Ѡ дѧтлѣ. дѧтелъ пестра птица еⷭ͡ живет же в гораⷯ и ходиⷮ на кедрӥ и клюеⷮ носоⷨ своиⷨ. да гдѣ налеꙁѣть мѧкко древо тѹ твориⷮ гнѣꙁдо свое. тако и дьяволъ боретьⷭ͡ со ч͝лкӥ. да в нем же налеꙁеⷮ слабость и небреженїе молитвӥ. внидеⷮ во нь и вогнѣꙁдѧтьⷭ͡. в нем же ли ѡбрѧщеⷮ бодрость! бежиⷮ ѿ него ⁆

Περὶ τοῦ δενδροκολάπτου. ὁ δενδροκολάπτης ποικίλον ὄρνεον ἐστίν, οἰκεῖ δὲ ἐν τοῖς ὄρεσι, καὶ ἀπέρχεται ἐν τοῖς κέδροις, καὶ κολάπτει αὐτὰ μετὰ τῆς μύτης αὐτοῦ, καὶ ἐν ᾧ δένδρῳ εὕρῃ χαύνωσιν, ποιεῖ τῆν καλλιὰν αὐτοῦ. οὕτω καὶ ὁ διάβολος πολεμεῖ τοῖς ἀνθρώποις, καὶ ἐν ᾧ εὕρῃ χαύνωσιν καὶ ἀμέλειαν προσευχῆς, εἰσέρχεται ἐν αὐτῷ καὶ ἐμφωλεύει· ἐν ᾧ δὲ εὕρῃ ἐγρήγορσιν, ἀναχωρεῖ ἐξ αὐτοῦ.

слоⷡ͡ ѡ детла. еⷭ͡ детель чьдолюбно  пареи вьсѣⷯ вещеии. походиⷮ мꙋжьскї  жен‘скомꙋ и строита  гнѣꙁⷣо.  походить детел‘ ꙁа хранꙋ породною. детлица сѣдиⷮ на гнѣꙁⷣѡ. любещи птенци своее прииметь тѣхь любещи и продльбаеть имь  ребра и ѹмирають.  г҃. д͝нъ  приходить самець и ѡбрѣтаеть иⷯ мрьтви. болиⷮ срцⷣемь ѡ ниⷯ жално. та продльбеть  себѣ ребра   и каплеть кръвь свою на ранꙋ тѣхь  и ѡживеть. тако и г͝ӥ ӏ͝ѵ х͝с продльбеⷮ͡ ребра своа ꙁа наⷭ͡. и иꙁиде крьвь еⷢ͡ и ѡжихоⷨ͡. и животь намь дарꙋва трети д͝нь вьскрⷺси мр͝твию. тако и ти беꙁꙋмни ч͝лче. г͝ъ ꙁа наⷭ͡ распет се и ребра своа прободе.  помѣни того  и сира не ѡсꙋди. ѿ сиромаⷯ не ѹꙁми.  того ради ꙁло неⷭ͡ пакостит се млтⷭ͡иню строи ѿ иманїа своего понеже ꙁемлѣ е имѣнїе. вь ꙁемли  ѡстанеть.  а ти д͝ши что добро ѹстроиши тоꙁи твое бꙋⷣеть.   ти ꙁнаеши ѿи вьс крѣпка б͝ь поставиль еⷭ͡.  въсе что еⷭ͡ на ꙁемли да еⷭ͡ тѣлѹ твоемꙋ на пищꙋ. сл͝нце и мцⷭ͡ь и ѕвѣꙁⷣи тебѣ раⷣ сътвореаⷩ͡ сꙋⷮ͡.  да ѿ многⷶ͡ житїа ѹстроиши д͝ши пьть не ꙁаблюжьⷣши.        детел бо пьстра птица еⷭ͡. летае ѿ дрѣва до дрѣва. редоⷨ͡ клъвеⷮ͡ ооͩхомь слишить  да аще еⷭ͡ допно дрѣво искльветь и въселиⷮ се в нь. и тѹ прѣбиваеⷮ.  аще ли еⷭ͡ тврьдо дрѣ ! бѣжиⷮ ѿ него.   тако и дїаволь ходить ѿ чл͝вка до ч͝лка. рѣтоⷨ кльвеⷮ а ѹхоⷨ слишиⷮ. да аще еⷭ͡ чл͝къ  не боещи се б͝а не строеще млтⷭ͡їню  въселит сѧ  вь нь и тѹ прѣбиваеть.  аще ли еⷭ͡ ч͝лкь боещи се б͝а и притечеши вь ц͝ркⷪ͡ съ въсѣⷨ͡ срⷣцемь бежить.  не тькмо ѿ нⷷ͡го нъ и ѿ сьсѣдї его ⁆         

слово ꙁа детла, како живеть. есть бо детель чедолюбива птица и шарена паче въсѣхь вещеи. приходить мѹжьскӥи поль кь женскомⷹ и сътвореⷮ͡  гнѣꙁⷣо.  походиⷮ͡ детель ꙁа хранꙋ породнꙋю. детлица же сѣдиⷮ͡ на гнѣꙁⷣѣ любещи птенце свое прїиметь тѣⷯ любещи и провалить иⷨ͡  ребра и ѹмӥраюⷮ͡.  въ третӥи д͝нъ  приходиⷮ͡ детель и ѡбрѣтаеть тѣⷯ мрътвӥ. болиⷮ͡ срⷣцеⷨ ѡ нӥⷯ жално. и провалить  себе ребра   и каплѥⷮ͡ кръвь свою на ранꙋ тѣⷯ  и ѡживꙋⷮ͡. тако и г͝ь наⷲ͡ ӏ͝с х͝с проваливь ребра своя ꙁа наⷭ͡. иꙁӥде кръвь его и ѡжихѡⷨ͡ и животь намь даровавь. трети д͝нъ въскрѣси мрьтвїе. тако и тӥ беꙁꙋмнӥи чл͝че. г͝ь ꙁа наⷭ͡ распет се и ребра своа проваливь.  помѣни тоⷢ͡  и сиромаха не ѡсѹди. ѿ сиромаха не въꙁӥмаи  тѡⷢ͡ рⷣӓ ꙁло не сьтворит‘ ти се. млⷭ͡тиню сътвараи ѿ имѣнїа своего понѥⷤ имѣнїе ꙁемля ѥⷭ͡ и въ ꙁемли  ѡстанеть.  а тӥ д͝ши что добро ѹстроиши тоꙁи твое бꙋдеть.  чл͝че ти ꙁнаеши яко въсе крѣпка б͝ь поставиль ѥⷭ͡  въсе иже ѥⷭ͡ на ꙁемли даⷭ͡ тѣлꙋ твоемꙋ на пищꙋ. сл͝нце и мⷭ͡ць и ѕвѣꙁⷣӥ тебѣ ради сътворени сѹⷮ͡. а млⷭ͡тиня д͝ше ради сътворена ѥⷭ͡ да ѿ мнѡга житїа ѹстроиши д͝ши пꙋⷮ͡ не ꙁаблꙋжⷣьши.        детель бо пъстра птица ѥⷭ͡. лѣтае ѿ дрѣво до дрѣво носоⷨ бӥеть дрѣво, ѹхоⷨ слӥшить.  да аще бѹдеть дрѣво дꙋпно и клъветь и въселит се въ нь. и тꙋ прьбӥваеть.  аще ли ѥⷭ͡ твръдо дрѣво бѣжить ѿ нѥⷢ͡ и вънь лѣгаеть.  тако и дїаволь ходиⷮ͡ ѿ ч͝лка до ч͝лка. носоⷨ кльветь а ѹхоⷨ слӥшиⷮ. да аще ѥⷭ͡ члкь  не боещи се б͝а и млⷭ͡тиню не сътвараеть,  въселит се  въ нь и тꙋ прѣбӥваеть.  аще ли ѥⷭ͡ ч͝лкь бое се б͝а и въ ц͝рковь притичеща съ въсѣⷨ͡ срⷣцеⷨ бѣжиⷮ͡  не тъкмо ѿ нѥго нъ и ѿ съсѣдь его ⁆         

слово ѡ [..............]. Дѣтль єⷭ͡ чедолюбӥва птица.   приходить мѹжьскӥ поль кь женскомѹ. и сьтворита  гнѣꙁⷣо.  и походить дѣтль ꙁа хранѹ пороⷣнѹю. дѣтлица сѣдить на гнѣꙁде любещи птенце своє   и продьбаеть иⷯ   и ꙋмирають. и бѹⷣть мрьтви .г҃. д͝нӥ  и приходить дѣтль / и ѡбрѣтаєть иⷯ мрьтвѣⷯ. болить срⷣцемь ѡ нӥⷯ жел‘но. тако продльбаеть  ребра себѣ и исходить крьвь ѿ него и каплють крьвь  на дѣтеи тѣхь.  и ѡживѣють. тако и г͝ь н͝шь ӏ͝ү х͝с прободе ребра своя наⷭ͡ раⷣ. и иꙁиде крьвь и ѡживѣхомь.    тако и тӥ беꙁѹмни чл͝че. г͝ь наⷭ͡ раⷣ пропет се и ребра своя прободе.  помени то  и ѹбога не ѡсѹди. ѡти ꙋбогь не имать  того раⷣ  млⷭ͡тиню подаваи ѿ именїа своеⷢ͡ понеже б͝гатьство ꙁемля еⷭ͡ и вь ꙁемлю пакӥ ѿнесеть.  а тӥ что д͝ши ꙋпространиши ! то еⷭ͡ тебѣ.                    дрѹго еⷭ͡ дѣло дѣтлѹ. дѣтль ѥⷭ͡ пьстра птица. лѣтаєт же ѡ дрѣва до дрѣва. рьтомь клепаеть ꙋхомь слишить.  аще дꙋпно дрѣво  вьселит се вь нь а тѹ прѣбӥваеть.  аще ли еⷭ͡ тврьдо дрѣво бѣжить ѿ него вь лѹг. /  тако и дїаволь ходить ѿ ч͝лка до ч͝лка.   да аще ѡбрѣщеть ч͝лка  не боѥща се б͝а   вьселить се  вь него и тѹ прѣбӥваеть.  аще ли ч͝лкь молить б͝а и волю его творить бѣжить ѿ него далече ⁆           

слово [..............]. детель ѥⷭ͡ чедолюбна птица и красна.                                                                                               и летае ѿ древа до древа рьтомь клюѥ и ѹхомь слиша  да аще ѥⷭ͡ дѹпно древо  вьселита се вь немь и сьвиеть /гнеꙁⷣо.  аще ли тврьдо древо бѹдеть бежить ѿ него.   такои и дїаволь ходить ѿ ч͝лка до ч͝лка рьтомь клѹе а ꙋхомь слиша. да аще члвкь ѥⷭ͡  не боеи се б͝а и не творить млⷭ͡тине  вьселита се  вь немь и тѹ и пребиваеть.  аще ли чл͝вкь боеи се б͝га и твореи млⷭ͡тинѹ и вь ц͝рковь прихоеⷣи бежить ѿ него дїаволь. како и детель ѿ древа тврьда. не весте ли беꙁѹмни чл͝вци яко г͝ь нась рⷣӓ распета се и ребра своя пробоⷣе. понⷨеⷷї тои сира. не ѡсѹдите николиже не ѡбидите. млⷭ͡тинѹ творите и ѿ имения своего. понеже имение ꙁемла ѥⷭ͡ и вь ꙁемлѹ поидеть. я ти д͝ши что добро сътвориши тои твоѥ бѹдеть вьсе бо б͝гь чл͝вкь раⷣи сьтвориль ѥⷭ͡ чл͝вкѹ на слѹжбѹ да ѿ многа имения ѹстроиши пѹть д͝ши своеи да не ꙁаблѹдиши ⁆

Притча ѡ дѣтели. Дѣтель еⷭ͡ и ѡнь чѧдолюбивь.                  и въ люб‘ви    ꙋмарѣеть птенце своѧ.   и приходить жен‘ка ! его    и проклъветь кръваветь ребра своа   и каплеть кръвъ  на ранꙋ иⷯ идеже бѣ проклъвана прокръвавлена де/теломь. и ѡживѫть якоже и х͝с ѡживи наⷭ͡ своеѫ кръвїѫ,  ꙋмершимь наⷨ ѿ грѣха ⁆                                              и иное же кажет сѧ ѡ детла. понеже есть пѫстра птица. и лѣтаеть ѿ дрѣва до дрѣва рътомь клъвещи, и ꙋхоⷨ слӥшѫщи  да аще ѡбрѣщеть дрѣво дꙋпно исклъветь. и въселит сѧ въ нѧ, и тꙋ живеть.  аще ли есть трⷡъдо дрѣво, то бѣжить ѿ него.   Такожде и дїаволь ходить ѿ ч͝лка до ч͝лка.   да аще кого ѡбрѣщеть  не боѫща сѧ б͝а, ни творѧща млⷭ͡тинѧ,  то въселѣет сѧ  въ нь, и прѣбӥваеⷮ͡.  аще ли  б͝а боит сѧ и млⷭ͡тинѧ творить и къ цр͝кви приходиⷮ͡, и мл͝твӥ дѣеть. то бѣжиⷮ ѿ него дїаволь ⁆           

[---                                                   ------] вижⷣь чл͝вче како прїидѣ г͝ь нⷭ͡ь раⷣї и распет‘ се волею и вь рѣб‘раа прободень бӥⷭ͡ иꙁ‘лїа кр‘вь свою ꙁа нⷭ͡ь. нь поменї сїе чл͝вче и сира и ꙋбога не ѡсꙋⷣи аще и сьгрѣшет‘ тїи ꙁанѣ раⷩ͡ү нищети имають. тоⷢ͡ раⷣї ꙁло пакостеть. нь и млⷭ͡тиню иⷨ сьтворӥ ѿ именїа своѥго. понѥⷤ͡ именїе ꙁелⷨя ѥⷭ͡. и вь ꙁеⷨлїи пакӥ ѡстанеть.  а д͝ши твоѥи коя пол‘ꙁа бꙋⷣѣть. нь аще посилаѥши прⷣѣ собою се бꙋⷣѣт‘ ти д͝ши твоѥи веч‘нїи покои нищелюбїя раⷣї. понѥⷤ͡ не раꙁꙋмеѥшиⷧ͡ беꙁꙋм‘нїи чл͝вче. како сьт‘вори тѣⷠ͡ б͝ь крѣп‘чаиша ѿ  васѣⷯ вещеи ꙁемльнїиⷯ./ и ваⷭ͡ ꙁемльн‘наа.  и ꙁем‘лю и сл͝н‘це и мⷭ͡ць. ваⷭ͡ тѣⷠ͡ раⷣї сьтворїи и прѣдаⷭ͡ тѣⷠ͡ иⷯ на слꙋженїе и на пищꙋ. а ѿ тѣⷠ͡ б͝ь вь малѣ проⷭ͡ить да послꙋжиши емꙋ. а вь векӥ да црⷭ͡тьвꙋеши сь ниⷨ вь црⷭ͡тьви нбⷭ͡немь. нь блюⷣї се се ч͝лче да не прѣведеть тѣⷠ͡ дїаволь вь ꙁаблꙋжⷣенїа пꙋть да не погиб‘неши вь векӥ. нь раꙁꙋмеи чл͝вче како дїаволь хоⷣить. и искꙋшаеть ч͝лка якоⷤе деталь ⁆  деталь ѥⷭ͡ патⷭ͡ьра п‘тица. и летает ѿ дрѣва до дрѣва. и рьтоⷨ клꙋна клꙋеть а ꙋхоⷨ прислꙋхꙋѥть. еаⷣ ѥⷭ͡ ꙋт‘ло древо. да егⷣа ѡбрѣщеть дрѣво ꙋт‘ло то иꙁ‘клꙋеть и вьселит‘ се вь нь и живет вь неⷨ.  да аще ли бꙋⷣѣть то дрѣво тврьдо то бежить ѿ него и идеть ка иномꙋ дрѣвꙋ. и тако иꙁ‘искꙋет его. тако и дїаволь хоⷣить ѿ ч͝лка до ч͝лка. и рьтоⷨ клꙋеть. а ꙋхоⷨ прис/лꙋхꙋеть. да егⷣа ѡбрѣщеть чл͝вка  не боеща се б͝а. и не тⷭ͡идеща се ч͝лкь. ни млⷭ͡рдїа имꙋща ни строеща се ꙁаконѡⷨ б͝жїѥⷨ. то вьселит‘ се дїаволь вь нь. и живеть вь неⷨ дон‘деже сьвеⷣть его вь дно аⷣа прѣиспод‘наго мꙋчити се сь ниⷨ вь векӥ. аще ли ѡбрѣщеть ч͝лка боѥща се б͝а. и страⷯ б͝жїи вь срⷣци имꙋщаа и ꙁаконоⷨ б͝жиⷨ водеща се. и кь ц͝рк‘вии притецающа. и бежить ѿ ч͝лвка тѡⷢ͡. не паче тачїю ѿ него. нь ѿ живꙋщииⷯ сь ниⷨ. и ѿ сꙋсеⷣь его ⁆         

                                                                                               слово ѡ дѣтеⷧ͡. дѣтель еⷭ͡ пьстра птица. летаеть ѿ дрѣва до дрѣва. клюнѡⷨ дльбеть а ѹхомь слишиⷮ.  аще дꙋп‘но дрѣво бꙋдѣⷮ[-----]                                     

                                                                                               слово ѡ дѣтель. дѣтель еⷭ͡ пьстра птица. летаеть ѿ дрѣва до дрѣва. клюноⷨ дльбеть а ѹхомь слишиⷮ͡.  аще дѹп‘но дрѣво бѹдеть  вьлѣꙁеⷮ͡ вь нѥго и тѹ прѣбиваеть.  аще ли бѹдеть тврьдо дрѣво бѣжить ѿ него вь инь льгь. /  тако и дїаволь ходить ѿ ч͝лка до ч͝лка.   да аще ѡбрѣщеть члка  не боеща се б͝а   вьселит се  вь него и тѹ прѣбиваеть  аще ли бѹдеть ч͝лкь имеющи б͝а на срⷣци. бѣжиⷮ͡ ѿ него на иного ч͝лка ⁆          

слоⷡ͡ ѡ детела како живеть. Детель еⷭ͡ чюдѡлѣпна вещь.   приходить мѫжьски  кь женскомꙋ и сьтворита ѡба гнѣꙁдо.  и поидеть детель ꙁа хранѫ  а детьлица сѣдить на гнѣꙁдо любещи птенци свои сѣдѫщи же на нихь  и продльбаеть ихь   и ѹмрѫть. и бѫⷣть мр͝тви .г҃. д͝ни.  и прихо/дить детель и ѡбрещеть иⷯ мр͝тѣⷯ. болить срⷣцемь ѡ нӥⷯ жалостно и продльбꙋеть  рѣбра своа и исходить крьвь егѡ и капнеть крьвь егѡ на рани птенцемь  иⷯ и ѡживѫть.         тако и ти беꙁꙋмни чл͝вче гдⷭ͡ь ꙁа наⷭ͡ ради распет сѧ и вь ребра своа прободе се  нѫ помени котори сѫⷣ  не ѿсѫди наⷭ͡.      нѫ сьтвори милостинѫ ѿ имѣнїа своего понеже ѡ богатьства ꙁемлѣ еⷭ͡ и вь ꙁемлѫ пакӥ ѡстанеть. а тӥ чл͝вче что д͝ши своеи сьтвориши что тебѣ бѫдетъ.                    дрꙋго дѣло егово ѡ дѣтелѣ. детель бо пѫстра птица. и летаеть ѿ дрѣва до дрѣва и рѫтомь своимь кльветь и ѹхомь слишить.  да аще еⷭ͡ дрѣ/во дꙋпно  то вьселит‘ сѧ вь немь иꙁвиеть гнѣꙁдо сѣбе иꙁводить птенци своѫ. аще ли е дрѣво тврьдо то бѣжить ѿ него вь лѫгь.  тако и дїаволь ходить ѿ ч͝лка до ч͝лка.   да аще ѡбрещеть ч͝лка слабоѹмна и б͝а не боѫща сѧ   то веселит‘ сѧ  ѡ немь и тѹ прибиваеть  аще ли ч͝лкь имать б͝га вь срⷣцͥͥ͡ своемь то ѡтаковаго бѣжиⷮ͡ь дїаволь ⁆           

слово ꙁа детеⷧ͡. Детель е чюдѡлепна вещь   приходи мꙋжко  къ женскѡ и направать  гнеꙁдѡ себе и иꙁводеть птенци свое и пойде детель ꙁа храна  а детелица седи на гнеꙁⷣѡ милꙋва птенцӥ своя и седи на нӥхь  и продль/ба имь ѿ радѡсти ребрати и ꙋмрать и бꙋдꙋⷮ мрьтвӥ гⷲ͡ д͝нӥ  и прихѡдить детель и наиде ги мрьтвӥ и болить срⷣцемь жалѡсно а ѡнь продлъба  ребра своѧ и исхѡдить крьвь егѡ    на ранӥ птенце  и ѡживꙋть.         такѡ и тӥ беꙁꙋмнӥ чл͝вче гдⷭ͡ь ꙁа наⷭ͡ сѧ распе и въ ребра своѧ прободе сѧ  но поменӥ котори сꙋть  не ѡсꙋди нась      не сотвори млⷭ͡тиня ѿ именӥ своегѡ понеже ѡ богатаста ! ꙁемля есь! и въ ꙁемлю пакӥ ѡстанеть. а ти чл͝че чтѡ д͝шӥ своеи сътвориши и чтѡ тебѣ бꙋдеть.                    слово ꙁа детела. деⷮ͡лⷷ͡ь бѡ пестра птица и фрька ѿ дрьвѡ до дрьво и рꙋтѡмь своимь кльветь и ꙋхѡⷨ слишеть.  да аще есть древо дꙋпнѡ  тѡи въселит сѧ в немь и иꙁвиеть гнеꙁⷣѡ себѣ иꙁводить птенцӥ своѫ аще лӥ ѧ древѡ тѡ бежить ѿ негѡ въ лꙋгь.  такѡ и дїавѡль хѡдить ѿ ч͝лка на ч͝лвка   да аще ѡбрещеть чл͝вка слабѡꙋмна и б͝га не боѧща сѧ   въсели сѧ  въ немь и тꙋ пребиваеть  аще лӥ ч͝лкь имать б͝га въ серⷣцӥ своемь той ѿ такѡвагѡ бежить дїавѡль ⁆           

Слѡво ѡ дятлѣ. Есть дѧтелъ чадолюб‘но  паче ӏ всѣⷯ вещеи. приходитъ мꙋжеско  к жен‘скомꙋ и строита  гнѣꙁдо.  походитъ дятел ꙁа хранꙋ породнꙋю. дят‘лица сидитъ на гнѣꙁде любѧще птен‘ца своѧ. прїем‘летъ тѣⷯ любѧщи ӏ продѡл‘баетъ имь  ребра и ꙋмираютъ.  третии д͝нь самець приходитъ  ӏ ѡбрѣтаетъ ихъ м͝ртвӥⷯ. болитъ о ниⷯ жа/лост‘но та продолбетъ иⷯ раⷣи сѣбе реб‘ра   и кап‘лѣть к‘рѡвъ с‘вою на ранӥ тѣⷯ  ӏ ѡживꙋтъ. тако гⷭ͡ь н͝шь ӏ͝съ х͝съ проѡбоде реб‘ра своѧ ꙁа наⷭ͡ и иꙁӥде кровъ его и ѡжихомъ. животъ намь дарова ӏ в третии д͝нь вос‘креси м͝ртвӥѧ. тако ӏ тӥ беꙁꙋмнӥи ч͝лвче. гⷭ͡ь ꙁа насъ рас‘пят сѧ и реб‘ра своѧ прободе.  помяни того, ни сира не осꙋди. оⷮ сира не в‘ꙁимаи.  того раⷣи ꙁла не спакости млⷭ͡тнѧ оⷮдаи оⷮо имѣниѧ своего. понеже има ꙁем‘лѧ есть ӏ ꙁемли  ос‘танетъ. и тӥ д͝ше ч‘то дѡбро сотвориши то си твое бꙋдетъ.  ч͝лвче тӥ ꙁнаеши оти в‘се крѣп‘ка б͝гь тѧ есть сот‘ворил ӏ далъ ти ес‘ть в‘се ч‘то ес‘ть на ꙁемли,/ да ес‘ть тѣлꙋ твоемꙋ на пищꙋ. с͝лнце мⷭ͡цъ и ꙁвѣꙁ‘дӥ тебѣ раⷣи сотворенӥ сꙋть а млⷭ͡тнѧ д͝ша раⷣи сотворена ес‘ть. а ѿ многа житиѧ сот‘вориши д͝ши пꙋть не ꙁаб‘лꙋдити.        дятел бо пес‘тра птица ес‘ть. лѣтаетъ оⷮ дрѣва до дрѣва. р‘томъ клеветъ ꙋхомъ слӥшитъ.  да аще есть дꙋп‘но дрѣво исклѣветъ ӏ вселит‘ сѧ во нь и тꙋ пребӥваетъ.  аще ли ес‘ть твердѡ дрѣво есть, бѣжитъ оⷮ нѣго ӏ в‘нѣ лѣса.  тако ӏ диавѡⷧ ходитъ оⷮ ч͝лвка до ч͝лвка. ртомъ клѣветъ ꙋхомъ слӥшитъ. да аще ес‘ть ч͝лвкъ  не боит‘ сѧ б͝га и не творяи млⷭ͡тнѧ  в‘селит‘ сѧ  вѡ нь ӏ тꙋ пребӥваетъ.  аще ли ес‘ть ч͝лвкъ  п‘ри/ходитъ во ц͝рквъ в‘семъ срⷣцемъ бѣжиⷮ дьѧволъ  оⷮ него ала и ѿ сꙋсѣⷣ его ⁆         

слово ꙁа дет[.]ла. деть ѥⷭ͡ паст[..] птица. летаѥть ѿ дрѣва до дрѣ[..] и ртомь клѹваѥть и ѹхѡⷨ слишить. да ѥгⷣа ѡбрѣщеть/ трⷡ͡до дрѣво. бѣгаеⷮ [........... .........] лѹгь и ищеть д. ! да ѥгⷣа ѡбрѣщеть дрѣво слабо допльно. преклѹѥть ѥго. и вьгнѣꙁдит се вь нь. и не можеть никто иселити дондеже се дрѣво падеть. тако и дияволь. ходить ѿ чл͝вка до [.......] испитѹѥть да аще ѡбрѣщеть б͝гобояжлива чл͝вка вь цр͝ковь вьходить на мл͝твѹ бѣгаѥть ѿ него дияволь. аще ли ѡбрѣщеⷮ слаба чл͝вка ѡ божтⷭ͡вѣ. вселит се вь нь и не иꙁидеть вь веки.  дѣть ѥⷭ͡ лепа птица иꙁлюпить п‘тен‘це своѥ любеки иⷯ дѣтлица  и ꙋмориⷮ иⷯ и ꙋмрьтвѣт иⷯ. и пр[.]хѡдить детьль и ѡбрѣщеть [..] мр͝твѣхь. и тꙋжить ѡ ниⷯ вели[..] и проклюваѥть ребра своя. каплеть крьвь вь ꙋста птенцемь своиⷨ. и ѡживеють. тако и б͝ь нашь ӏ͝с х͝ь прободе ребра ꙁа наⷭ͡ и ѡживехѡⷨ͡ ⁆

[....................]. дѣтель ѥⷭ͡ пъстра птица. летиⷮ͡ ѿ дръво до дръво. съ клюномъ къвеⷮъ и ꙋхоⷨ слишиⷮ͡ъ. да аще ѡбрѣщеⷮ͡ъ твръдо дрѣвѡ бегаетъ ѿ него и ѡтидеⷮъ на на дрꙋго дрѣво. и ѡбрѣшщетъ слабо дрѣво  и проклъвеⷮ͡ его. и въгнеꙁⷣит се въ него. и не можетъ  иꙁити. доѡⷩ͡деже дръво падънеⷮъ. тако и диаволъ ходить ѿ чл͝векаа до чл͝века испитꙋетъ. да аще ѥⷭ͡ чл͝вкъ б͝голюбивь и въ цр͝ковъ въходитъ на мл͝твꙋ ѡто беⷤиⷮъ ѿ него дїаволъ. аще ли ѡбрѣта слаба чл͝века беꙁбожство въселитеⷭ͡ въ неⷨ и не иꙁидетъ въ веки.  дѣтелъ иꙁлꙋпиⷮ͡ птенце свое любеще и детлица птенце свое и подавиⷮ͡ хи ! и ꙋм͝ртъ. приходиⷮъ детеⷧ͡ и ѡбретаетъ иⷯ мрьтвиⷯ и тꙋжиⷮ͡ велико и продлъбеⷮ͡ ребаⷬ͡ своя и капълетъ кръвъ вь ꙋста птⷩ͡цеⷨ и ѡживеюⷮ͡. тако и г͝ь наⷲ͡ь ӏ͝с хⷭ͡ь пробѡде ребра своя ꙁа наⷭ͡ и ѡживехомъ ⁆

слоⷡ͡ ѡ делеⷮ͡. дет‘ль ѥⷭ͡ пьстра п‘тица. летаєть ѿ дрѣва до древа клюнѡⷨ͡ клеплѥть а ѹхѡⷨ͡ слишить да аще ѡбрѣщеть тврьдо дрѣво бѣгаєть вь инь лꙋгь.  а гⷣѣ ѡбрещеть дꙋп‘но дрѣво  проклюветь єго и вьгнѣꙁⷣит се вь нѥмь и не может се  иселити донⷣже паднет се. тако и дияволь ходить ѿ ч͝лкь до ч͝лка испитꙋющи да аще ѡбрѣщеть ч͝лка б͝гобояꙁнива вь цр͝квь приходещаа на мл͝твꙋ и бѣгаєть ѿ нѥго  аще ли ѡбрѣ/щеть слаба ч͝лка ѡ бжⷭ͡твѣ и вьселит се вь нь и не иꙁидеть до вѣка. дрꙋго дело ѡ дѣтлѣ. детль ѥⷭ͡ иꙁлѹпить птенце своє   и продавляєть иⷯ. и ѹмирають и приходить детль и ѡбрѣтаєть иⷯ мрьтвехь и тѹжить вел‘ми и продльбаєть ребра своя и кап‘лѥть крьвь вь ꙋста птищемь и ѡживѹть тако и г͝ь нашь ӏ͝с х͝с прободе ребра своя ꙁа наⷭ͡ и ѡживѣхомь ⁆

слово ꙁа детаⷧ͡. деталь ѥⷭ͡ пьстра птица. летаеть ѿ дрѣва до дрѣва/ и рьтоⷨ͡ клювеⷮ͡ а ѹхоⷨ͡ слишить да аще ѡбрѣщеть тврьдо дрѣво бѣгаѥⷮ͡ ѿ него вь инь лѹгь.  а гⷣ͡е ѿбрѣще дрѣво дѹпно  проклювеⷮ͡ его. и вьгнеꙁⷣ͡итеⷭ͡ вь нь и не можетеⷭ͡  иселити дондⷤѣ дрѣво падеть. тако и дїавоⷧ͡ ходить ѿ ч͝лка до ч͝лка испитѹюще да аще ѥⷭ͡ богобоивь ч͝лкь и вь цр͝ковь ходить на млⷮ͡вѹ бегаѥⷮ͡ ѿ него.  аще ли ѡбрѣта слаба чл͝вка ѡ бжⷭ͡твѣ вьселитеⷭ͡ вь нь и не иꙁӥдеть вь вѣкӥ. дрѹⷢ͡ дѣло. детль иꙁлѹпивь птище свое любещи детлица птенеⷰ͡ свое продавлаѥⷮ͡ и ꙋмїраюⷮ͡ / приходить детль и ѡбрѣтаѥⷮ͡ иⷯ мрьтвеⷯ͡ и тѹжить велми и продѹбѹѥть ребра своя и каплеⷮ͡ крьвь вь ѹста птенцемь и ѡживеють. тако и г͝ь б͝ь ншь ӏ͝ү хⷭ͡ь прободе ребра своя ꙁа наⷭ͡ и ѡживѣхомь ⁆