слоⷡ͡ ѡ слав[..]. славеи птица сьбӥраєт се птица дрѹгь сь дрꙋгомь своимь. єдинь спить до полѹнощїа. а дрѹги стрⷤеть.  и наⷣ нимь  прославляеⷮ б͝а .в͝ӏ. краⷮ до полѹнощи. пакӥ ть ꙋснеть а дрꙋги   ѿ полѹнощїа стрежеть его. и кь свѣтѹ ѡба   прославляють б͝а. тако и тӥ  ч͝лче аще спиши или лежиши или каково  дѣло твориши всегⷣа б͝а прославлаи и не ѡскѹдѣет‘ ти єже хощеши ⁆  

слово еже ѡ славию како живеть. славѣи ѥⷭ͡ птица. сьбирают се  сь дрѹгомь своимь. единь спить до полюнощия а дрѹгѹи стрѣжеть его и надь нимь .в͝ӏ. крати прославⷧ͡аеть б͝га.  вь полюнощиѥ/ и пакїи таи ѹспить а дрѹгїи пакїи  ѿ полюнощия стрьжеть ѥго кь светѹ  единемь гласомь васи прославеть б͝га. таакои и тїи бѣꙁѹмни чл͝вче или спишїи или лежиши или каково любово дело твориши вьсегⷣа б͝га прославлаи. и не ѡскѹдеета ти еже хощеши. б͝гѹ нашемѹ слава вь векїи вѣкомь аминь ⁆

ꙁа славия птицѹ. славь ѥⷭ͡ птица. сьбираѥт се  сь дрꙋгомь.  ѥдͥ͡нь спить до польнощи а дрꙋги стрѣжеⷮ͡  над нимь .в͝ӏ. крⷶть прославлаѥть б͝а.  вь полѹнощи паки  ꙋснеть а дрꙋги паки стрѣжеть ѿ полѹнощи и стрѣгѹть паки кь свѣтѹ ѡба.   прославлають б͝а. тако и ти  чл͝вчѥ/ аще спишь или лежишь или кои   твориши вьсегⷣа б͝а прославлаи и не ѡскѹдѣѥши ѥже хощеши ⁆  

слово ѡ славию. славаи ! ѥⷭ͡ птица. сьбирает се  сь дрꙋгѡⷨ͡ своимь єдинь спить до полѹнощия а/ дрѹгїи стрѣжеть єго и на д͝нь .в͝ӏ. крать прославляєть б͝а.  вь полꙋнощиѥ паки тьи ѹснеть а дрѹги паки  ѿ полѹнощия стрѣжеть єго кь свѣтѹ свѣтꙋ !  єдиногласно  прославляѥть б͝а тако и тӥ беꙁѹм‘ни ч͝лче или спиши или лежиши или каково либо дѣло твориши вьсегⷣа б͝а прославляи и не ѿскѹдѣєть ти єже хощеши. б͝ѹ же нашемꙋ ⁆