Ѡ ѹтропѣ. ѹтропъ имать два рога. живеⷮ же блиꙁъ рѣкӥ акїана на крайнӥ ꙁемли. да егда сѧ вожедаеⷮ пьеⷮ ѿ неѧ и ѹпиваетьⷭ͡ и боретьⷭ͡ со ꙁемлею и чешеⷮ роги своими. и еⷭ͡ же тамо древо нарицаеⷨ танисъ подобно ꙁѣло виннѣи добрами вѣтми и гѹсто прꙋтїемъ и чеша прѹтїемъ соплетаетьⷭ͡ в ниⷯ и обрѣтаеть еⷢ͡ ловець и ѹдолѣеть емꙋ. тако и ч͝лкь. в҃ рогъ мѣсто далъ емꙋ еⷭ͡ б͝ъ ѡба ꙁавѣта вѣтхаго и новаго. рогӥ противнӥа сили якоⷤ рече пррⷪкъ д͝вдъ. ѡ тобѣ врагӥ наша иꙁбодеⷨ рогӥ. рѣка акїаньска еⷭ͡ богатъство. танис же сласть / житеискаа. да въплетая сѧ ч͝лкъ небрѣжеⷮ о вѣрѣ но обрѣтъ и дьяволъ и ѹдолѣеⷮ емꙋ ⁆

слово ѡ ꙁѫбри рекши идропось. есть ꙁѫбрь великь ꙁвѣрь ѡ ꙁвѣреи имаѫщи лѣпотѫ страшнѧ ꙁѣло. трьса емѹ дивна. чело емѹ страшно ѿ вьсѣхь ꙁвѣреи чюдно и вьꙁор‘но вь срьчбѣ приплащает‘ сѫ кь дрѣвꙋ роги биеще ѡ дрѣво ѡбиваеть вѣне дрѣвѹ нї единь ꙁвѣрь не ѡбладѹеть ѡ неⷨ͡ трьпить жѫжⷣѧ водѣ прї водѣ стоѫщи ѡбонѣва ꙁемѫ егⷣа напиеьⷮ͡ се  ѡпианит‘ сѫ и веⷭ͡лит‘ сѫ паки кь ꙁем‘ли принїче яко и воль ѡбрѣтаѫще повитїе крѣп‘ко и веⷭ͡лѫщеⷭ͡ ѹвиеть главѫ своѫ и роги своѫ. приходит же ловець ѡбрѣтаеть его ꙁавита и тако прѣиметь того. тако и ти беꙁѹмни члⷱ͡е раꙁѹмѣи ѡти помощ‘ на тебе г͝ь створи и прѣдаде ти свѣⷮ два рога даде ти два ꙁакона ветхи и нови и рогове вь неволнѣи ти мощи крьтⷭ͡ь гнⷭ͡ь да не прїиближиⷮ͡ сѫ к тебѣ вракь. реⷱ͡ ꙁа прⷪ͡рⷪ͡ка дв͝да тебе ѥⷭ͡ ꙁем‘лѣ на покои вода бо есть ꙁвѣрю а тебѣ богатⷭ͡во вода ꙁавити еже ꙁвѣрю помѣнѫв‘ше грѫдѫщѹ же ловцꙋ  ѥⷭ͡ дияволь  та ѡбрѣтаеть тебе ꙁавита вь мирьстѣи жиꙁни б͝а не боѫщиⷭ͡ д͝ши добро не створ͝ши та прѣблажнѣеть тебе ⁆

слоⷡ͡ ѡ ꙁебри рекши [............] ѡⷱ͡ блⷭ͡ви. есть [...............] ѕвѣрь ѿ вьсеи [............] лѣпотꙋ страшнꙋ [.....] [............] дивна. чело его [............ ............] ѕѣⷡ͡реи чюдно [............. ............] приплащает [............... .........]еще ѡ дрѣво [................ .............. ...] единь ѕвѣръ обладꙋеть ѡ немь тръпитъ жьжⷣѫ водѣ при водѣ стоѫщи ѡбоневаеть ꙁемлѧ егⷣа напїет се  ѡпиянит‘ се и веⷭ͡лит‘ се паки кь ꙁемли приникь яко и вѡⷧ͡ь обрѣтающе повитие и сьбираеⷮь и веⷭ͡леще се ѹвиеть главꙋ свою и тѣло свое. приходит же ловець и ѡбрѣтаеть его ꙁавита и тако прииметь его. тако и тӥ беꙁꙋмни чл͝вче раꙁꙋмѣи ѡти помощь на тебѣ г͝ь сътворӥ и прѣдаде ти въсѣ два рога даде ти два ꙁакона ветхи и нови и рогове въ неволнѣи ти мощи кртⷭ͡ь гнⷭ͡ь да не приближитеⷭ͡ к тебѣ врагь реⷱ͡ ꙁа пррⷪ͡кⷪ͡а двⷣа тебѣ еⷭ͡ ꙁемлѣ на покои и вода бѡ ѥⷭ͡ ѕвѣрꙋ а тебѣ б͝гатство вода иꙁбавит ї еже ѕвѣрꙋ помѣнꙋвшоⷹ гредꙋщѹ ловцꙋ ловець еⷭ͡ дїавоьⷧ͡  та обрѣтаеть тебѣ ꙁавита въ миръстѣи жиꙁни б͝га не боещи се д͝ши добро не сътворьша та прѣблажнѣеⷮ тебе ⁆

слоⷡ͡ ѡ ꙁебри, еже ꙁовет се дропось. есть ꙁъбрь великь ѕвѣрь ѿ ѕвѣреи. имѣе лѣпотꙋ страшнꙋ ѕѣло. трьса емꙋ дивна. чело его страшно ѿ въсѣⷯ ѕвѣреи чюⷣно и въꙁорно. въ сръчбѣ приплащает се кь дръвꙋ, рогы бїющи ѡ дрѣво. ѡбӥваеть вѣїа дрѣвꙋ. и ни единь ѕвѣрь ѡбладꙋеть наⷣ нӥмь. тръпит же жежⷣꙋ водѣ. при водѣ стоить. ѡбонѣваеть ꙁемлю егда напїет се  ѡпїанит се и веселит се. пакӥ кь ꙁемли рїеть. яко же воль ѡбрѣть повитїе ниско и веселит се ѹвїеть главꙋ свою и рѡгӥ свое. приходит же ловець ѡбрѣтаеть его ꙁавить и тако ѹбїеть его. тако и тӥ беꙁꙋмнӥ ч͝лче. раꙁꙋмѣи яко помощ на тебѣ г͝ь сътвори, и прѣдаде ти въса. два рога даде ти два ꙁакона ветхӥи и новӥи. и рѡгове въ неволнѣи ти мощи кртⷭ͡ь г͝нь. да не приближит се к тебѣ враⷢ͡. реⷱ͡ ꙁа пррⷪ͡кⷪ͡а д͝вда. тебѣ ѥⷭ͡ ꙁемля на покои. вода бо ѥⷭ͡ ѕвѣрꙋ, а тебѣ богатьство вода. ꙁавитї еже ѕвѣрꙋ помѣнꙋвше. гредꙋщꙋ же ловцꙋ. ловець ѥⷭ͡ дїаволь,  и ѡбрѣтаеть те ꙁавита въ мирстѣи жиꙁнӥ. б͝а не боющи се. д͝ши добро не твореща, и прѣблажняет те ⁆

[-----------                                  ----------] ч͝лкь и ѡбрѣта его ꙁавита. и тако прѣиметь его. тако и тӥ беꙁꙋмнӥи ч͝лче. раꙁꙋмѣи яко помощ на тебе б͝ъ сътвори. и прѣдаⷭ͡ ти въсѧ. два рога дадѧ ти два ꙁакона. ветхӥи и новӥи. рогове въ неволнѣи ти помощ и кртⷭ͡ь г͝нь. да не приближает сѧ тебѣ врагь. реⷱ͡ ѡ пррⷪ͡цѣ д͝дѣ. тебѣ еⷭ͡ ꙁемлѧ на покои. вода бо еⷭ͡ ꙁвѣрю покои а тебѣ богатъство еⷭ͡ вода. и помѣни ѕвѣринное ꙁавитїе. и грѧдѫщаго ловца. еже еⷭ͡ дїаволь. да не пришеⷣ ѡбрѧщет‘ тѧ ꙁавита. въ мирстѣи жиꙁни. б͝а не боѫщи сѧ. и д͝ши не творѧщь доброти. и ꙋловит тѧ съблаꙁнїю ⁆

.в҃. прич‘та, ѡ ꙁꙋб‘ре. Ѥⷭ͡, ꙁꙋбарь великь ꙁвѣрь. и ѿ многӥⷯ ꙁ‘вѣреи крас‘неишїи ѥⷭ͡. и страшань ѥⷭ͡ ѕело. и ѥⷭ͡ емꙋ трьⷭ͡ть дивїа чело его страш‘но ї ѿ васѣⷯ ꙁверь чꙋⷣьнеишїи ꙋꙁорѡⷨ. вь скрьби бо приплащает‘ се ка дрѣвꙋ роги бо досежꙋть и ѡб‘виваѥть вьне дрѣвїю. и нї едина ꙁверь ѡблаⷣеть имь. трьпить жежⷣꙋ при водѣ стоеще. ѡб‘вонаваѥть ꙁем‘лю. егⷣа бо напїет‘ се воⷣӥ̈. тогⷣа веⷭ͡лит се. пакӥ вь ꙁем‘лю приник‘неть. яко воⷧ͡ь ѡбрѣтае повитїе и крѣп‘ко веⷭ͡лит‘ се. и ꙋвиеть главꙋ свою и рогӥ своѥ. и придет‘ же ловаць, и ѡбрѣщеть его ꙁавита и тако погꙋбӥть его. таⷦ͡о и тӥ беꙁꙋⷨнїи чл͝вче раꙁꙋмеи яко немощ‘на те сьтвори б͝ь. и прѣдаⷭ͡т тӥ  два рога. два ꙁакона. вет‘хїи и новїи.   рек‘ше кртⷭ͡ь гнⷭ͡ь. да не приложит‘ се врагь к тѣⷠ͡.           ловаць ѥⷭ͡ дїаволь.  и ѡбрѣщеть тѣⷠ͡ ꙁавита вь гресѣⷯ. пїюща и ядꙋща б͝а не боеща сⷷ͡. ни д͝ши своеи добра не творѣща. пакӥ приближает‘ се ка тѣⷠ͡ и ꙋловить д͝щꙋ твою ⁆

[...................] Ꙁѹбрь єⷭ͡ вь пѹстиняⷯ не пїєть води раꙁвѣ єднѹщи вь мцⷭ͡ѣ. єгⷣа хощеть пити походить нⷣа водꙋ и ꙁрить нⷣа водꙋ. и плачеть велми. єгⷣа напїет се и ѡпїет се  яко ѿ вина./ и приходит кь дрѣвїю бїюще и ѡрꙋще дрѣвїє да аще ѡбрѣщеть павитїє борѹще се ꙋвивають главѹ вь павитїе. и ꙋснеть и лежить яко и мрьⷮвь. да аще ѡбрѣщеть ловць и прѣимеⷮ єⷢ͡.  тако и ти беꙁѹмни ч͝лче пїеши или яси иꙁьбран‘на нь имаи всегⷣа ꙋмь твои ѡ б͝ѕѣ. да не ѡбрѣщете дїаволь ꙁавита вь жити мрьскомь. беꙁ мⷭ͡лтниӥ  и прѣимет‘ те. нь всегⷣа ꙋмь твои ѡ б͝ѕѣ ⁆

 Ꙁьбьрь ѥсть вь пѹстинаⷯ. и не пи[...] води раꙁвѣ едѹⷣщи ! вь мцⷭ͡ѣ. ѥгⷣа хощеть пити приходиⷮ на водꙋ и ꙁрить на водѹ и плачеⷮ велико. еаⷣ напиѥт‘ се ѡпиваѥт се и ѡпиѥт се яко ѿ вина. приходеще кь дрѣвѹ и биюще и гореще дрьв[.] да аще ѡбрѣще павитїѥ бореще се и ѹвиваѥⷮ главѹ вь павит[.] и ꙋснеть и лежиⷮ яко мртвь. да ѡбрѣщеть ѥго ловⷰь приметь ѥ[.] и растропиⷮ ѥго. тако и ти беꙁѹ[...] чл͝вче пиѥши или яси  вьсегⷣа ѡ [б͝ꙁѣ] ѹмь имаи. да не ѡбрѣще те дї[....]   беⷥ мл͝тве  и досадиⷮ ти вьсегⷣа ѹ[..] ѡ боꙁѣ имеи ⁆

 ꙁебръ ѥⷭ͡ въ пꙋстинаⷯ. и не пиⷮеͣ водꙋ раꙁве еднꙋщъ въ мⷷ͡цъⷭ͡. егⷣ͡а хощеⷮъ питӥ   и поⷢ͡еⷧ͡атъ на водꙋ плаче велико. егⷣа напиетъ се и ѡпиетъ се  яко ѿ вина и приходитъ и бӥетъ се ѿ древо до древо   и ѡбрещетъ павиⷮ͡ъ  и ѡбиетъ си главꙋ въ павитъ. и ꙋснетъ и лежиⷮъ яко мрътъвъ.  и ѡбрѣщⷮеъ ловцъ  и ꙋбиетъ его. тако и ти  чл͝вче пиеши и ядѣши  трънъ ! ꙋмъ ѡ боѕѣ имаи. да не ѡбрѣщеⷮ тебѣ дї͝волъ  въ житие поганимъ беꙁ млиⷮвѣ  и поимет те. нъ ѡ боѕѣ въсегⷣа мисли ⁆

слово ѡ ꙁꙋбрѣ. ꙁѹбрь ѥⷭ͡ вь горахь. не пиєть воде раꙁвѣ єднѹщи вь мцⷭ͡и. єгⷣа хощеть пити. приходить на водѹ. и ꙁрить водꙋ. и плачет се вел‘ми єгⷣа напиєт се. и ѡпиєт се  яко/ ѿ вина и приходить кь дрѣвѹ биющи и борꙋщи древиѥ да аще ѡбрѣщеть павитиѥ борѹщи се ѹвиєть главѹ  и ѹснеть и лежить яко мрьтьвь. да аще ѡбрѣщеть єго ловць и прѣметь єго. и погѹбить єго. тако и ти беꙁѹм‘ни ч͝лче пиєши и яси вса иꙁбраннаа нь имаи ѹмь ѡ б͝ꙁѣ да не ѡбрѣщет‘ те дияволь ꙁавита вь житїи мирсцѣмь беꙁь млⷭ͡ти и беꙁь мл͝тви и преиметь те. нь вьсегⷣа ѹмь твои да ѥⷭ͡ ѡ б͝ꙁѣ ⁆

слово ꙁа индропа рекомӥ ꙁѹбьрь. Ꙁѹбрь ѥⷭ͡ вь пѹстиняⷯ͡. не пїѥⷮ͡ воде раꙁвѣ единѹщи вь мцⷭ͡и. егⷣ͡а хощеть пити приходить на водѹ и ꙁрить воⷣ͡ү и плачеть велми егⷣ͡а напиваѥтеⷭ͡ и ѡпиваѥтеⷭ͡  яко ѿ вина и приходить кь дрѣвесеⷨ͡ ꙁлобеще и борѣще дрѣвїе да аще ѡбрѣтаѥⷮ͡ павитїе борꙋщеⷭ͡ ѹбиваѥⷮ͡ главо вь павїетїе и ѹснѣть и лежить яко мрьтвь. аⷣ͡ аще ѡбрѣщеть ловць и прѣимѣть ѥⷢ͡ и растроить ѥго. тако и тӥ беꙁѹмнїи чл͝вче пиѥши и яси все ѡборна ! ню ! имаи ѹмь ѡ б͝ꙁѣ да не ѡбрѣщет те дїавоⷧ͡ ꙁавита вь жиⷮ͡ мрьскоⷨ͡ / беꙁ м͝лтвѣ  и прѣиметь те нѹ веⷭ͡гⷣ͡а да ѥⷭ͡ ѡ б͝ꙁѣ ѹмь твои ⁆

слово ѡ ꙁѹбрѹ ꙁвѣрѹ. Ꙁѹбарь ѥⷭ͡ велика ꙁвѣрь. вь срьчб[.] при приходить! кь древѹ роги биюще ѡ древо. ни единь ѿ ꙁвѣрїи не ѡблаⷣеть сь нимь и стьпить жежⷣѹ воде. при води стоить не пиеть воде раꙁве еднѹщь вь мцⷭ͡и. егⷣа хощеть пити приходить на водѹ и ꙁрить водѹ и плачет се велми егⷣа напиет се ѡпиет се яко ѿ вина и приходить кь древѹ биюще и борѹще древие. и падеть на ꙁемⷧ͡ꙋ и овиета се крепко веселе се и ѹвиеть главѹ свою иже! лежить яко мрьтвь. и приходить ловаць и ѡбретаеть его ꙁавита и ѹбиеть его беꙁь нѹжⷣе. тако и ти ч͝лче раꙁѹмеи яко б͝ь помощникь твои ѥⷭ͡ дваа рога та ти сѹⷮ дваа ꙁаконь ведхи и новїи кртⷭ͡ь гнⷭ͡ь. да не приближит се дїаволь к тебе. реⷱ͡ бо пррⷪ͡кⷪ͡ь двⷣ͡ь. тебе ѥⷭ͡ ꙁемла на покои. вода бо ѥⷭ͡ ꙁверѹ я тебѣ богатаство. ꙁавитие же ꙁверѹ твоя леность. ч͝лкꙋ бо ловаць дїаволь и ѡбретаеть ч͝лка ꙁавитаа вь мискиⷯ ! житияⷯ. б͝ь не боещ се д͝ши добро не твореши тои преблаꙁнить того дїаволъ ⁆