Слоⷡ͡ и скаꙁанїе ѡ ꙁвѣреⷯ и птахаⷯ. Ѳисилогъ и ! ѡ лвѣ. три еⷭ͡ства имаⷮ левъ. егⷣа бо ражⷣаеⷮ лвица м͝ртво и слепо ражⷣаеⷮ седиⷮ же и блюдеⷮ до треⷮего д͝ни. по треⷯ же днеⷯ прїидеⷮ левъ и дꙋнеⷮ в ноꙁⷣри емꙋ и ѡживеⷮ. тако и [о] вѣрнӥⷯ яꙁӥцѣхъ. прежⷣе бо кр͝щенїа мл͝тви сѹⷮ по кр͝щенїи же просвѣщаютьⷭ͡ ѿ ст͝го д͝ха. второе есⷭ͡тво лвово. егⷣа спиⷮ а очи еⷢ͡ бдита. тако и г͝ь наⷲ͡ рече ко июдеѡⷨ / якоⷤ аꙁъ с‘плю а оочи мои бжⷭ͡твенӥа и срⷣце бдита. а треⷮе есⷭ͡тво л‘вово егⷣа ѿбегаеⷮ лвица хвостоⷨ своиⷨ покрӥваеⷮ стопӥ своѧ. да не можеⷮ лвець ! осочити слѣда его. тако и тӥ ч͝лче. егда твориши млⷭ͡тӥню да не чюеⷮ леваа рꙋка что твориⷮ десница твоѧ. да не воꙁбраниⷮ дьяволъ дѣло помӥсла твоего ⁆

слово ѡ вьсѣⷯ вещеи ходещиⷯ и летещиⷯ. слово ꙁа льви ѡ ц͝ри ꙁвѣрьстѣмь. фисиѡлогь реⷱ͡ ѡ львѣ. ѡⷱ͡ блⷭ͡ви. лъвь ѥⷭ͡ имѣѫщи дѣла велика три кь с͝тѣи троици приемлень. льва прьво дѣло егⷣа ражⷣаеть львица  скимаеть на льсть ражⷣаеть и сѣдить на ниⷯ  три дни. и доходиⷮ͡ львь и дѹнеть на нїихь трищь и ѡставиⷮ тако и невѣрнї роть вь трети д͝нь г͝а нашего їс͝ү х͝а  на вьскрⷭ͡енїе  прог͝лахѧ ꙁа крьщенїея ради слѣпи и мрьтви наричѧт сѧ вь име г͝не на вьскрⷭ͡нїе проꙁрѧⷮ львица ѥⷭ͡ ст͝и д͝хь тако ѥⷭ͡ егⷣа доиде львь и дѹне  тако и с͝тїи д͝хь живот ни дѹнѫ и ѡжихь иꙁидошѫ вси иꙁ адама второ дѣло львово егⷣа спиⷮ ꙁрѫⷮ вѣжⷣа его ꙁ҃ странь раꙁꙋмѣеть та сѫ ꙋтврьжⷣаеть ѿ ловца тако и г͝ь н͝шь ӏ͝с х͝с ѿ юдеи распет сѫ  а диавола поправь того ради и г͝ла ꙁа пррⷪ͡ки яко сѣдѫщи ѡчима ꙁрѣх.  третїе дѣло львово. егⷣа бѣжить ѿ ловца покривает си слѣдь сь ѡпашѫ да не идеть  львици ! по немь тако и ти беꙁꙋмни чл͝вче строѫщи млтⷭ͡ӥнѫ щого ради хѹлїши       правдѫ си погѹблѣеши а д͝шѫ си не насладиши нь аще даеши сь дес‘нѫѫ рѫⷦ͡ да ть не ꙁнаеⷮ лѣва.  да ть не прѣблаꙁниⷮ диаволь понеже ловець ѥⷭ͡ диаволь  ѡпашь бо ѥⷭ͡ львова твоа добрая дѣла. пѫть бо ѥⷭ͡ львовь чл͝вчѣ млⷭ͡тинѣ.   да не прѣблаꙁнить тѫ врагь  нѫ вь цр͝квь прїиходи члⷱ͡е.  реⷱ͡ бо прⷪ͡рⷪ͡кь дв͝дь. не ѹмрѫ нѧ живѫ бѫдѧ  аще и ти добро д͝ши ѹстроиши не ѹмреши николиже. понеже праведникь не ѹмираеть вь вѣⷦ͡ а͝нь. братїе ѡ сихь вещеи арх͝гль ѹрїль повѣсть їѡанꙋ б͝гословцѹ ⁆

слѡⷡ͡ ѡ въсѣⷯ веще ходещиⷯ и летещиⷯ. слоⷡ͡ [......................] ѕвѣрстѣⷨ. фисиѡⷧ͡гь реⷱ͡ ѡ львѣ ѡⷱ͡. львь [.] имѣѧщи дѣла великаа [... ....................] примленъ. львѹ [....] дѣло егⷣа ражⷣаеть львица  [..................  ...] ниⷯ  три дни. и доходиⷮ львь и дѹнеть на ниⷯ трищъ [............ ......................] родъ. въ трети днь г͝а нашего [.......]  на въскрⷭ͡енӥе  [............ ............]нїа ради слѣпи [...........] наричет се вь име г͝не на въ[........ ........] лъвица еⷭ͡ с͝ти д͝хь тако еⷭ͡ егⷣа доиде львъ и дѹне  [........] живѡⷮ дѹ[..                            ............] тако и тӥ [.........] чл͝вче [............                        ................] львова твоа [..........  ..] львовь чл͝вчаа [...   ................]лаꙁнит‘ те дааволь  [.............] приходи чл͝вче.  реⷱ͡ бо пр͝ркь [...... ..] ѹмрѫ нъ живъ бѫⷣ  [....................] д͝ши ѹстроиши [...................]лиже [......] правеⷣникъ не ѹми[...... ..] вѣки аминь. братїе ѡ [...............] архаг͝ль ооͩриль повѣсть [............]словꙋ ⁆

слово ѡ вьсѣⷯ вещеи ходещихь и летещиⷯ. слово ꙁа лъва ѡ ц͝ри ꙁвѣрстѣⷨ. фисїолѡгь рече ѡ лъвѣ. ѡ͝че блⷭ͡ви. лъвь ѥⷭ͡ имѣе дѣла велика три кь с͝тѣи триⷪ͡ци примолѥнь. лъвоⷡ͡ ѥⷭ͡ пръво дѣло егⷣа ражⷣаеть лъвица  слишить мали ть. ражⷣаеть и сѣдиⷮ на нӥⷯ  три дни. и доходить лъвь и дѹнеть на нӥⷯ трищь и ѡживеⷮ. тако и невѣрнӥи родь вь трети д͝нь га нашего ӏ͝с х͝а  на въскресенїе  прободохꙋ ꙁа кр͝щенӥа ради слѣпїи и мрьтвїи наричит се въ име г͝нѥ на въс͝крсенїе проꙁрꙋт. лъвица ѥⷭ͡ с͝тӥи д͝хь. тако еⷭ͡ егⷣа доидеть лъвь и дѹнеть.  тако и с͝тӥи д͝хь животь дѹнꙋ и ѡжихꙋ. иꙁӥдоше въси иꙁь адама. второ дѣло лъвово. егⷣа спить ꙁреⷮ вѣжи его .ꙁ҃. странь. раꙁꙋмѣеть и паꙁить себѣ ѿ ловца. тако и г͝ь нашь ӏ͝с х͝с ѿ ѹдеи распет се  а дїавола поправь. тоⷢ͡ раⷣ и г͝ла ꙁа прⷪ͡рⷪ͡кӥ. якⷪ сѣдеши ѡчима ꙁрѣхꙋ.  третїе дѣло лъвово. егⷣа бѣжить ѿ ловца покрӥвает си дирꙋ съ ѡпашїю да идꙋⷮ  ловци по нѥⷨ. тако и тӥ беꙁꙋмнӥ ч͝лче. егⷣа строиши млⷭ͡тиню почто хвалиши се       и правⷣꙋ свою погꙋбляеши. и д͝шꙋ свою не насладиши. нъ аще даеши съ деснꙋю рѹкꙋ да не ꙁнаеть лѣваа.  да те не преблаꙁнить дїаволь. понѥⷤ ловець ѥⷭ͡ дїаволь.  ꙋпашь бо ѥⷭ͡ лъвова твоя добраа дѣла. пꙋть бо ѥⷭ͡ лъвовь ч͝лча млⷭ͡тиня.   да не прѣлъстить те врагь  нъ въ цр͝кви приходи ч͝лче.  реⷱ͡ бо прⷪ͡рⷪ͡кь дв͝дь не ѹмрꙋ нъ живь бꙋдꙋ.  аще и тӥ добро д͝ши ѹстроиши, не ѹмреши николиже. понеже правеⷣникь не ѹмӥраеⷮ въ вѣкͧ ⁆  

слоⷡ͡ ѡ вьсѣⷯ вещѣⷯ хоⷣѣщиⷯ и летающиⷯ. .а҃. ѡ лаве.  лавь ѥⷭ͡ имеи великꙋ ѡпашь и кь с͝теи троици притекаль ѥⷭ͡ лавь ѥⷭ͡ право дело егⷣа раждаѥть лавица п‘теньце своѥ  сеⷣить на ниⷯ лавица .г҃. д͝ни и прихоⷣить ѿць имь и дꙋѥть п‘теньцеⷨ вь ноꙁⷣрӥ и ѡживꙋть. тако и невер‘нїи рѡⷣь вь д͝нь вьⷭ͡ксенїа г͝а нашеⷢ͡ ї͝ү хⷭ͡а    проглеⷣаѥть крьщенїа раⷣї понеже слепӥ ꙋмрѣше и вь име гнⷭ͡е на васкреⷭ͡нїе гнⷭ͡е проꙁ‘рꙋть лавица ѥⷭ͡ д͝хь с͝тӥ, тако ѥⷭ͡ и доидеть лавь и дꙋѥть, и д͝хь животань вьдꙋнеть и ѡживꙋть. тако и с͝тӥ д͝хь д͝нꙋ и ѡживеше и иꙁидоше виⷭ͡ иꙁ‘ адьа. .в҃. дело лавово ѥⷭ͡ егⷣа спить, ꙁреть его вежⷣӥ и ѿ сеⷣаⷨ странь раꙁꙋмеѥть и ꙋтврьжⷣает‘ се  тако и г͝ь нашь ї͝сь хⷭ͡ь ѿ їюⷣѣи распет‘ се.  и дїавола попра, тⷢ͡оⷪ͡ раⷣї г͝ла,  яко сѣⷣще ѡчима ꙁрѣхꙋ  .г҃. дѣло лавово ѥⷭ͡. егⷣа бежить ѿ лов‘ца. следь свои покриваѥть ѡпашїю  и не раꙁꙋмеѥть его ловаць камо идеть. тако и тӥ беꙁꙋм‘нїͥ члвче. егⷣа творїши млⷭ͡тиню поч‘тⷪ͡ хвалиши се. и хвали раⷣї даѥши      и трꙋⷣь свои погꙋб‘ляѥши. а д͝шꙋ свою не наслажⷣаеши. нь аще даеши дес‘ницею. да не ꙋвеⷭ͡ть шꙋица твоя.  да не прѣластить тебѣ дїаволь. понѥⷤ͡, дїаволь тѣⷠ͡ ловаць ѥⷭ͡.  а ѡпашь лавова твоя добра дела сꙋть. а пꙋть лавовь ѥⷭ͡ ч͝ловечаⷭкаа млⷭ͡тина.  нь блюⷣї се чл͝че. вь г͝лѣⷯ и вь делѣⷯ всѣⷯ да не прѣластить тѣⷠ дїаволь.  нь прїходи вь црковь чеⷭ͡то чл͝вче и блюⷣї се сь правед‘ними и кь ниⷨ приходи. понеже рѣⷱ͡ пррⷪ͡кь двдь не ꙋм‘рꙋ нь живь бꙋⷣ. тако и ваⷭ͡кӥͥ чл͝вкь аще сїи сьтвориль д͝ши своѥи добро. не ꙋм‘реть на живь бꙋⷣѣть. понѥⷤ͡ правеьⷣникь не ꙋмираѥть нь вь векӥ прѣбӥваѥть ⁆

 слово ꙁа льва како живеть.  львь еⷭ͡ имещи дела велика.  имать .а҃. дѣло лѫвꙋ еⷭ͡ егⷣа ражⷣаеть львица щене свое малеⷯ тѣхь ражⷣаеть ихь мр͝твѣхь и сѣдить на ниⷯ  .г҃. д͝ни и доходить львь и дꙋнеть имь вь ноꙁдри и ѡживѫть тако и невѣрнӥ родь вь .г҃. д͝нь гдⷭ͡а б͝га сп͝са нш͝его їү х͝а прободошѫ на вьскрⷭ͡енїе ꙁрѣхѫ прогледахѫ  и ꙁлѣ мр͝твїи нарекѫт‘ сѧ вь име гдⷭ͡не.             .в҃. дѣло еⷭ͡ львꙋ. И егⷣа бѣжить     ѿ ловца тако и гдⷭ͡ь н͝шь ї͝ү х͝с  едⷣа прїиде сь аплⷭ͡и кь адꙋ тогѡ ѹпраꙁни и диавола поправь   а прⷪ͡рⷪ͡кӥ якѡ спѧ ѡчима ꙁрѣхѫ и иꙁведе ихь. г҃. дѣло львово. И егⷣа бѣжить ѿ ловца то покриваеть слѣⷣ своѧ сь ѡпашїѫ да не ꙁрить раꙁꙋмѣеть того ловець  тако и тӥ беꙁꙋмнӥ ч͝лче егⷣа стⷬ͡оиши млⷭ͡тинѫ или что прилагаеши.  То покриваи да не ѹвѣсть никто по что сь хвалѫ раꙁарѣеши егⷣа что добро сьтвориши а правдѫ си погꙋбиши а д͝шѫ си не наслажⷣаеши нѫ аще что даⷭ͡ть десница да не чꙋеть шꙋица аще ли что даⷭ͡т‘ шꙋица да не ѹсѣтить десна.    еже еⷭ͡ ловець дїаволь добрꙋ делꙋ. вѣси ч͝лче яко ѡпашь лѫвова добрѹ делѹ еⷭ͡ а пѫⷮ͡ лѫвовь млⷭ͡тинѣ еⷭ͡   да не сьблаꙁнит‘ те врагь нѫ въспрѣни сѧ и сходи вь ц͝ркѡⷡ͡.  реⷱ͡ бо прⷪ͡рⷪ͡кь двⷣь не ѹмрѫ нѫ жиⷡ͡ бѫдѫ и повѣмь дѣла гнⷭ͡ѣ    и правеⷣникъ не ѹмираеть въ вѣк[.] аминь ⁆  

 слово ꙁа льва.  лъвь есть имещи дѣла велика.  имать .а҃. дѣлѡ львꙋ есть егⷣа ражⷣаеть львица щене свое малеехь техь ражⷣаеть ихь мр͝ьтвӥ и седить на нӥхь  гⷲ͡ д͝нӥ и доходить львь дꙋнеть имь въ нѡꙁⷣри и ѡживеть такѡ и невернӥ рѡдь въ г҃ д͝нь г͝а б͝га и спⷭ͡а нашего ѵⷭ͡а х͝а прободоше на воскрⷭ͡енїѧ ꙁрехꙋ прогледахꙋ  и ꙁле мр͝твӥ нарекꙋт сѧ въ имѧ гдⷭ͡не.             .в҃. дѣла львь есть и егⷣа бежить     ѿ ловца такѡ и гдⷭ͡ь н͝шь ии͝сь х͝с  егⷣа прїиде съ аплⷭ͡и къ адꙋ тогѡ ѹпраꙁнӥ и дїавѡла поправь   а пррⷪ͡ѡкӥ якѡ спе ѡчима ꙁрехꙋ и иꙁведе. .г҃. делѡ. егⷣа бежить ѿ лѡвца то покриеть следь свое сь ѡпашӥѧ да не ꙁрить и раꙁꙋмееть тѡгда лѡвець.  такѡ и тӥ беꙁꙋмнӥи ч͝лче егⷣа стоиши млⷭ͡тиня или что прилагаеши  тѡи покриваеи да не ꙋвѣсть никтѡ съ хвала раꙁарееши егⷣа чтѡ добро сътвориши а правда си погꙋбиши а д͝шꙋ си не наслажⷣаеши но аще чтѡ дасть десницꙋ да не чюешь шꙋица аще ли чтѡ дасть шꙋица да не чюеть десница    понеже есть лѡвець дїавѡль добрꙋ делꙋ. веси ч͝лче якѡ ѡпашь лъвова добра дѣла есть а пꙋть львовь млⷭ͡тиня есть добра дѣла есть  да не соблаꙁнит сѧ врагь но вьспрени сѧ и схѡди въ ц͝ркѡвь.  рече бо пррⷪ͡ѡкь дв͝дь не ꙋмрꙋ но живь бꙋдꙋ и повемь дела гдⷭ͡не    и праведникъ не ꙋмираеть въ вѣкӥ аминь ⁆  

[......................]. Львь єⷭ͡ ц͝рь всемь ꙁвѣремь. имаⷮ бо .г҃. дѣлѣ великїе ѡ себѣ. прьво дѣло львово єгⷣа ражⷣаєть єго львица мала ражⷣаєть єго велми.  мрьтва лежиⷮ дондеже прїидеть львь. и дꙋнеть вь ноꙁⷣри єго. и тогⷣа ѡживѣть яко г͝ь б͝ь н͝шь дꙋнѹ вь аде и ѡживѣхомь вси. в҃ дѣло єгово єгⷣа спить вѣжⷣи єго ꙁрѣ и стрегѹть/ ѿ ловца. да єгⷣа ловць на снѣ не ѡбрѣщеть. тако и тӥ ч͝лче аще спиⷲ͡ или яси или пїеши. всегⷣа ꙋмь твои да еⷭ͡ ѡ б͝ѕѣ. и стражїе имаи ѿ дїавола. да те не ѡбрѣщеть беⷥ мл͝тви и прїимет‘ те .г҃. дѣло львово. єгⷣа ходить сь ѡпашїю ꙁаметаєть слѣⷣ свои да его лов‘ць не поꙁнаеть. тако и тӥ беꙁꙋмни чл͝че єгⷣа твориши млⷭ͡тиню покриваи. да те дїаволь не ꙁнаеть. иманїе си погꙋбӥши а д͝ши ничто добро сьтвориши. льв бо єгда ясть ч͝лка ѡбраꙁь ємѹ не ясть ни погледꙋєть на нь. да егⷣа иꙁѣсть  ч͝лка и поимить главѹ и плачеⷮ мноⷢ͡ глѣдающи на ѡбраꙁь и потомь погрѣбеть ю ⁆     

[......................]. лъвъ ѥⷭ͡ ц͝ръ въсемъ ꙁвѣремъ. има бо .г҃. дѣла вѣлика ѡ с͝бѣ. пръво дѣло. лъвъ егⷣа ражⷣаетъ его львица   мрътваго ражⷣаетъ и лижитъ мрътъвъ догⷣеже придѣтъ лъвъ и дꙋхнетъ лъвъ въ ноꙁдрето  и ѡживѣтъ яко г͝ъ дꙋхна въ адаме и ѡжихоⷨъ въси.  егⷣа спитъ вѣжⷣи его глеⷣатъ и стре͝т се ѿ ловца. да его ловцъ на сънъ не ѡбрѣщⷮе. тако и ти чл͝вче аще пїеши или ядѣшъ или спишъ въсъ ꙋмъ твои да ѥⷭ͡ ѡ боѕѣ. и стрѣжи се ѿ дїавола да не ѡбрѣщетъ тебѣ беꙁъ млитвⷮ͡и иматъ г҃ дѣли лъвъ. егⷣа ходитъ съ ѡпашїю ꙁамитаетъ слеⷣ свои да го ловцъ не поꙁнаетъ. тако и ти беꙁꙋмни чл͝вче егⷣа сътвориши мл͝твꙋ покриваи да те дїаволъ.  имани си погꙋбиши а д͝ши си нищо добро не сътвориши. лъвъ егⷣа ястъ чл͝вка ѡбраꙁъ емѹ не ястъ  да егⷣа иꙁестъ въсего чл͝вка поиметъ главꙋ поглѣдающи въ ѡбраꙁъ плачетъ многⷪ и потомъ погрѣбѣтъ. тако и ти егⷣа хощеши добро сътворити дѣлѡ не иꙁежⷣъ а после добро сътвориш емꙋ ⁆

слово ѡ всеⷯ͡ вещеⷯ͡ и летающїиⷯ͡. Львь ѥⷭ͡ ц͝рь всѣⷨ͡ ꙁвереⷨ͡. имаⷮ͡ бо .г҃. дѣла велика ѡ сѣбѣ .а҃. дело львово егⷣа ражⷣаеть его львица мала ѥⷢ͡ ражⷣ͡а велми и мрьтва его ражⷣ͡а и лежить мрьтвь дондеже приидеть львь его и дꙋнеть вь ноꙁⷣри ѥго  и ѡжевⷮ͡е яко г͝ь б͝ь дѹнѹ вь аде и вьси/ ѡживехѡⷨ͡ .в҃. дѣло львово егⷣ͡а спить вежⷣ͡и его ꙁреть и стрегꙋⷮ͡ ѿ ловца. да его ловць вь с͝не не брѣщеть!. тако и ти чл͝вче. аще пїеши или яси или спиши вьсе ѹмь твои да ѥⷭ͡ ѡ б͝ꙁѣ и стражїе да имаши ѿ дїавола да не ѡбрещеть те беꙁ м͝лтве и приметь те .г҃. ѥ дѣло львѡⷡ͡ егⷣ͡а ходить сь ѡпашїю ꙁамещеⷮ͡ следь свои да ѥⷢ͡ ловць не поꙁнаѥть. тако и ти беꙁꙋмни чл͝вче ѥгⷣ͡а твориши млⷭ͡тиню покриваи да те дїавоⷧ͡ не ꙁнаѥⷮ͡ иманїе си погꙋбиши д͝ши нищо добро/ не сьтвориши. львь егⷣ͡а ясть ч͝лка и ѡбраꙁа емѹ не ясть ни погледѹѥⷮ͡. да егⷣ͡а иꙁесть вьсего ч͝лка и поиметь глаүⷡ͡ гледающи на ѡбраꙁь. плачеть его многⷪ͡ и потѡⷨ͡ погребаѥⷮ͡ь. тако и ти дѣло добро егⷣ͡а хощеши сьтворити не иꙁежⷣ͡ь ѥго и послѣ добро сьтвориⷲ͡ ѥмѹ ⁆

слово ѡ вѣщехь ходещихь и летещихь. братие сїе ѡ вѣщеⷯ сихь бл͝говести архаг͝гль ѹриль иѡаннѹ б͝гословцѹ. слово ц͝рѹ лавѹ ꙁверскомꙋ. львь ѥⷭ͡ вьсемь ꙁверемь ц͝рь. имат бо .г҃. дела велия ѡ себѣ .а҃. дело львово егⷣа ега!. ражⷣаеть его львица мала его ражⷣаеть велми и мрьтва. и лежить мрьтвь донⷣеже придеть львь и дѹнеть вь ноꙁⷣри его и ѡживеть. яко б͝ь дѹнѹвь адама и вси ѡживихомь .в҃. дело львово. егⷣа спить вижⷣи его ꙁреть ѿ .ꙁ҃. страньа и раꙁѹмееть ѿ ловаць/ и ѹтврьжⷣает се. да его ловци на сне не ѡбрещеть. такои и г͝ь н͝шь їүⷭ͡ х͝с распет се да дїавола попереть. тогⷣа г͝ла ꙁа прⷪ͡рⷪ͡ки. седеще ѡчима ꙁрехѹ. такои и ти ч͝лче. аще спиши или ясїи или пиешь все ѹмь твои да есть ѡ б͝ꙁе и стражѹ да имаши ѿ дїавола. да не ѡбрещеть тебе беꙁ молитве и примета те. ч͝лче твори млⷭ͡тнѹ а не хвали се. нь аще даеши десною рѹкою да не ꙁнаеть лева рѹка твоя. да не преблаꙁнить се дїаволь. понеже ѥⷭ͡ ловаць дїаволь. ѡплаш! лавовь твоя добра дела. пѹть львовь ч͝лчь млⷭ͡тна. вь цр͝ковь приходи ч͝лче да не преблаꙁни тебе дїаволь. реⷱ͡ бо прⷪ͡рⷪ͡кь д͝дь. не ѹмрѹ на живь бѹдꙋ. да аще тїи д͝ши добро створиши не ѹмреши николиже. понеже правеⷣникь не ѹмираеть на пребиваеть вь веки .г҃. дело лавово. егⷣа ясть ч͝лка ѡбраꙁь емѹ не ясть ни погледꙋеть. да егⷣа иꙁесть ч͝лка и поиметь чл͝чю главѹ гледающїи на ѡбраꙁь плачеть много и поем[.] погребета ю. такои и тӥ дело добро егⷣа хощеши ⁆