[.......................]. стратокамиль єⷭ͡ велика птица. єгⷣа ражⷣаеть яицѣ. вь водѹ єго сносиⷮ и сѣдить на водѣ ѡчима ꙁрить яица своя. да аще ѡчи свои камо ѿвратить  ꙁапрьⷮкь бѹдеть. єгⷣа хощеть спати.  єдинимь ѡкомь спить а дрꙋгимь поꙁорѹєть. єⷭ͡ бо дрѹга вѣщь прилична кь ꙁмїи дльжина еи н҃. лакть да єгⷣа вить стратокамила яица ражⷣающа се. и ѡна приходить и ꙁрить єда како ѿвратить ѡчи /свои стратокамиль. аспина дьхнеть на яица. да ꙁапрьтци бѹⷣть. тѹ стоить аспина не ѿходещи ꙁа .м҃. д͝ни.  дондеже иꙁвеⷣть стратокамиль птен‘це. тако и дїаволь  єгⷣа виⷣть  ч͝лка доброе дѣло твореща.   не ѿходить ѿ него како да раꙁорить доброе дѣло.      того раⷣ ч͝лче да еⷭ͡ всегⷣа ꙋмь твои  ѡ б͝ꙁѣ. и ѡ ц͝рквѣ. да не имаⷮ враⷢ͡ что тебѣ сьтворити ⁆

[слово ...............]. Стрькокамиль ѥⷭ͡ вѣлия птица. егⷣа ражⷣаеть яице вь водѹ сносить его и седить на воде. ѡчима ꙁрӥть яица своего. да аще ѡчи своеи какомо ѿвратить  ꙁапрьтакь бѹдеть. да егⷣа хощещь! спати тои единимь ѡкомь спить а дрѹꙁемь блюдеть. есть дрѹгая вещь прилична кь ꙁмїи и дльжина ѥѥ ѥⷭ͡ .н҃. лакать. да егⷣа видить стрькокамила яица ражⷣающа ѡнь приходить и ꙁрить. ѥгⷣа камо ѿвратить/ ѡчи  стрькокамиль да спи надьхнеть яица.         таакои и дїаволь  егⷣа видить  чл͝вка ѡ добродетели  врьтит се тѹ и ѡставлаеть васа и стоить тѹ како да раꙁорить добродетели его. аспина не иꙁимаеть яица иꙁесть его нѹ дахнеть на не да сатворит се ꙁапрьтакъ того ради чл͝вче  вьсегⷣа ѹмь твоїи да ѥⷭ͡ ѡ б͝ꙁѣ и ѡ ц͝ркви. да не имаать ти врьгь что сьтворити ⁆

словѡ ꙁа щръкокамилѣ. щръкокамилъ ѥⷭ͡ велїа птица. егⷣа ражⷣаетъ яицѣ въ водꙋ его сноситъ и седитъ въ водѣ ѡчима гледаⷮ яица своя. да аще  камо ѿвратитъ ѡчи свои ꙁапрътъкъ бꙋдѣтъ. да егⷣа хощетъ спати  единемъ ѡкомъ спитъ а дрꙋгомъ гледатъ. ѥⷭ͡ бо дрꙋга вѣщъ прича къ ꙁмїи и длъга ѥⷭ͡ .н҃. лакътъ. егⷣа видитъ щръкокамилаа ражⷣаетъ яица ѡна ꙁмӏя приходитъ и и гледатъ еда како ѿвратитъ ѡчи  статокамилъ да спитъ надъ нихъ да и яица ꙁап͝ръци бꙋдꙋтъ. тѹ стоитъ аспина  ꙁа .м҃. д͝ни  донⷣеже иꙁвⷣѣть щръкокамилъ.  тако и ти беꙁꙋмни чл͝вче егⷣа виⷣтъ дїволъ! чл͝вчкꙋ ѡ добрѣ делѣ    и тꙋ стоитъ како да раꙁоритъ емꙋ добро дѣлѡ. аспинова не приходитъ да иꙁестъ емꙋ яица да нахнеть на яица да ꙁап͝ръци бⷣꙋтъ. того раⷣи чл͝вче  въсегⷣа ꙋмъ твои да ѥⷭ͡  ѡ цркве. да не имаⷮъ тебѣ врагъ что сътворити⁆

слоⷡ͡ ѡ стрькокамили каⷦ͡ живеⷮ͡. стрькокамиль ѥⷭ͡ велия птица єгⷣа ражⷣаєть яице. вь водѹ носить єго и сѣдить на водѣ ѡчимь ꙁрить яица своєго да аще ѡчи свои камо ѿвратить  ꙁапрьтькь бѹдеть. да єгⷣа хощеть спати то єдинимь ѡкомь спить а дрꙋꙁѣмь блюдеть. ѥⷭ͡ дрꙋгаа вещь прилична кь ꙁ‘мїи. дльжина ѥє ѥⷭ͡ .н҃. лакать. да єгⷣа видить стрькокамила яица ражⷣающа ѡнь приходить ꙁрить/ єгⷣа камо ѡчи ѿвратить  стрьтокамиль да спить надьхнеть на яица.         тако и дияволь  єгⷣа видить  чл͝ка ѡ добрѣ дѣлѣ  врьтит се тѹ и ѡставляєть в‘са и стоить тѹ како да раꙁорить доброє дѣло а аспина не иꙁимаєть яица да иꙁѣсть єго нѹ дьхнеть на нѥ. да сьтворит се ꙁапрьтькь. того ради ч͝лче  вьсегⷣа ѹмь твои да ѥⷭ͡ ѡ г͝и и ѡ цр͝кви. да не имает ти врагь что сьтворити ⁆

слово ꙁа стратѳокамила како ѥⷭ͡ житькь его. Страѳокамиль ѥⷭ͡ велика птица. егⷣ͡а ражⷣаѥть яице вь водꙋⷢ͡ носить и сѣⷣ͡ть на воде и ꙁрить ѡчима яица своя. да аще какоⷨ͡ ѡчи  ѿвратить  ꙁапрьтьⷦ͡ бѹⷣть. да егⷣ͡а хощеть спати  единеⷨ͡ ѡкоⷨ͡ ꙁрить а дрѹꙁѣⷨ͡ спить. ѥⷭ͡ бо дрѹⷢ͡ вещь приличаⷩ͡ ꙁмїи. дльжина же еї ѥⷭ͡ .н҃. лькьть. егⷣ͡а виⷣ͡ть страѳокамила яица ражⷣ͡ающа ѡⷩ͡ приходиⷮ͡ и ꙁрить егⷣ͡а камо ѡчи/ ѿвратить  страѳокамиⷧ͡ да спи навьдьхнеть на аица да ꙁапрьтци бѹⷣ͡ть тѹ и стоить аспина  ꙁа .м҃. днїи неѿходещїи дондⷤь иꙁвⷣ͡е страѳокамиль птенце. тако и дїавоⷧ͡  егⷣ͡а виⷣ͡ть  ч͝лка ѡ добрѣ дѣлѣ  врьтитⷭ͡е ѡставляѥⷮ͡ и тѹ и стоить како да раꙁори доброѥ дѣло аспина не вьꙁӥмаⷮ͡ яице да иꙁесть ѥⷢ͡ нѹ да дьхнеть на него да ѹстроитⷭ͡е ꙁапрьтⷦ͡ь тоⷢ͡ раⷣ͡ чл͝вче  вьсегⷣ͡а ѹмь твои   кь цр͝кви да не имаⷮ͡ тебѣ врагь що сьтворити ⁆