слоⷡ͡ ꙁа жерава како блюдет сѫ. жеравъ бо ѥⷭ͡ многогласна птӥца. сьбираѫщим сѫ кь веⷱ͡рѹ  егⷣа бѫдеⷮ имь пастӥ и спѹстѫть стражѫ себѣ да стрѣжеⷮ ихь  и вьꙁимаⷮ  вь едноͥ ноꙁѣ камикь и вьꙁⷣвӥгь дрьжить его на единои ноꙁѣ стоѫще. егⷣа ꙁадрѣмет сѫ испадаеⷮ камикь  иꙁ ногѹ его ѡнь вьꙁьпиеⷮ велїемь гласѡⷨ иже дрѹꙁи его пробѹдѫⷮ сѫ  и ѡстрѣжѫⷮ.    тако и ти  чл͝вче егⷣа чюеши глⷭ͡а цр͝ковни  дрьꙁаи стрѣꙁи себе ѿ диявола.  цр͝квь бо ѥⷭ͡ стража тебѣ.      клепало вьꙁовеⷮ аꙁь бѣⷯ вь горѣ дрѣво с кожѫ повито вѣнемь ѡдѣяноⷨ и листиеⷨ ѹкрашеноⷨ  прїиде чл͝вкь и порꙋти мѫ  на слѹжбѫ  цр͝кви да ꙁовѫ грѣшники  на покаянїе а праведники на спⷭ͡енїе.   да дрѹꙁи и братия слишите глаⷭ͡ нь его!  не ѹдрьжаите себе  нѫ дрьꙁаите кь с͝тѣи цр͝кви и ѿ грѣхь свободѫ ѡбрещеⷮ ⁆

слоⷡ͡ ꙁа жерава како жиⷮ. жеравь етⷭ͡ъ многоглаⷭ͡на птца. сьбирающиⷨ͡ се веⷱ͡рꙋ.  егⷣа бѹдеⷮ имь напастї и спꙋстьть стражꙋ себѣ да стрѣжьⷮ иⷯ  и вьꙁимаⷮ  вь еиⷣно ногꙋ камикь и вьꙁвⷣигь дрьжиⷮ егѡ на единꙋ ногѹ стоеще. егⷣа ꙁадрѣметеⷭ͡ испаⷣаеть камиⷦ͡  иꙁ ногꙋ его ѡнь вьꙁꙁпїеⷮⷮ велїеⷨ гласѡⷨ емꙋⷤ͡ дрꙋѕи еⷢ͡ пробꙋⷣтⷺ се  и ѡстрѣжть    тако и ти  члвⷱ͡е егⷣа чюеши глаⷭ͡ цр͝ковнӥ  дрьꙁаи стрѣжи себѣ ѿ дїавоаⷧ͡.  цр͝ковь бо еⷭ͡ стража тебѣ.      клепало въꙁовеⷮ͡ аꙁь бѣⷯ вь горѣ дрѣво с кожь повито вѣеⷨ͡ ѡдѣяно и листвїемь ѹкрашеннѡ  прїиде чл͝вкъ и порꙋти ме  на слꙋжбѫ  цр͝кви да ꙁовꙋ грѣшни  на покаанїе а правеⷣникӥ на спеⷭ͡нїе.   да дрꙋѕи и браⷮа слишите глаⷭ͡ моего  не ꙋдръжаите себѣ  нъ дръꙁаите кь с͝тѣи цр͝кви и ѿ грѣхь свобоⷣ ѡбрѣщете ⁆

слоⷡ͡ ꙁа жерава како съблюдет се и блюдет се. жеравь бо ѥⷭ͡ многогласна птица. събӥрающим се кь веⷱ͡рꙋ  егⷣа бѹдеть имь спати. и спѹстеть стражꙋ себѣ да строжеть иⷯ.  и въꙁӥмаеть  въ единои ноѕѣ камень. и въꙁⷣвигь дрьжить горѣ и на деснои ноѕѣ стоюще. егда ꙁадрѣмлѥть испаднеⷮ͡ камень  ѿ ноѕѣ его и ѡнь въꙁьпїеть гласѡⷨ велїемь. въси же дрѹѕи его пробѹдет се  и ѡстрегꙋть се.    тако и тӥ  ч͝лче. егда чюеши глаⷭ͡ цр͝ковнӥ  дръꙁаи и стреѕи себѣ ѿ дїавола.  цр͝ковь бо ѥⷭ͡ стража тебѣ.      клепало въꙁоветь аꙁь бѣⷯ въ горѣ дрѣво съ кожею повито вѣнемь ѡдѣяно и листїемь ѹкрашено  прїиде ч͝лкь и посѣче ме и прин[...] на слѹжбꙋ чл͝кѡⷨ въ цр͝кви. да ꙁовꙋ грѣшникӥ  на покаанїе.     и вӥ дрѹѕи и братїа слӥшите гласа моего  не лѣните себѣ  нъ дръꙁаите кь с͝тѣи цр͝кви. и ѿ грѣⷯ свободꙋ ѡбрещете ⁆

[....................]. жеравь єⷭ͡ велеглⷭ͡на птица. кь веⷱ͡рꙋ сьбӥрают се.  єгⷣа бѹдеть имь спати нощїю и чинеть себѣ стражѹ да стрегѹт се.  и вьꙁимаєть  вь єдинои ноꙁѣ камень. и вьꙁⷣвигь дрьжить. а на єднои ноꙁѣ стоить. да єгⷣа ꙁадрѣмлить. испаднеть емꙋ камень  иꙁ ноги. и вьскричить велїемь глⷭ͡омь. и дрѹжина єго пробѹдет се.  и стрегѹт се. и пакӥ дрѹги поидеⷮ стрещи иⷯ. тако и ти беꙁꙋмни ч͝лче послүшаи мл͝тви цр͝ковнїе   и стрежи себе ѿ дїавола.  стражба то тебѣ єⷭ͡ цр͝квь ⁆                                         

слово ꙁа жерава. жеравь ѥⷭ͡ гласна птица и сьбираюта се кь веⷱ͡рѹ ꙁаедно. и егⷣа имь бодеть спати посилають стаⷬжь себе   и вьꙁимаеть  ками ѹ еднѹ ногѹ   а на дрѹгои стоить ноꙁѣ. и егⷣа ꙁадремлеть испадеть емѹ ками   и вьꙁѹпиеть  и ини же  пробѹдета се  и ѡстригѹта се и пошлѹ иного стража. такои и ти грешни чл͝вче егⷣа чѹеши глаⷭ͡ ц͝рковни  дьрꙁаи и стрьꙁи се ѿ дїавола.  цр͝ква бо ѥⷭ͡ тебе стража.      клепало вьпиеть аꙁь бехь древо вь гори коромь   ѡдеянно и листомь ѹкрашено  и приде чл͝вкь и посече ме и сьтвори ме на слѹжбѹ  цр͝кви да ꙁовѹ грешники  на покаание а праведние на спасение. да молѹ ви се   братие слишите глась мои  и не ѹдрижите се ленеще се/ нь теците  кь цр͝кви ѡ гресеⷯ молеще се да свободѹ ѡбрещете и покоии д͝ши своеи ⁆

притча ѡ жеравѣ. жерав бо есть многоглаⷭ͡наа птица. и събираѫт сѧ къ веⷱ͡рꙋ  егда бѫдеть иⷨ ꙋсипати. поставлѣеть себѣ стража        единогои ноѕѣ стоѫ. и егда ꙁадрѣмлеть испаднеⷮ͡ камень и дръжить его съвӥше на единои ноѕѣ стоѫ. ѿ ногѫ его ѡн же абїе въꙁъпїеть велегласно, и дрꙋѕи его прободет сѧ  и ѡстрѣгѫт сѧ. и пакӥ дрꙋгӥи  стрѣжеть иⷯ. тако и тӥ  ч͝лче егда слӥшиши глⷭ͡а цр͝ковнӥи  дръꙁаи и стрѣѕи себѣ ѿ дїавола.  цр͝ковь бо стража есть тебѣ.      пишет сѧ ѡ клепалѣ г͝лѧ. аꙁь бѣⷯ дрѣво въ гѡрѣ с кожеѫ свито. и вѣтвїемь ѡдѣанно. и листвїемь ꙋкрашенно.  и прїиде чл͝кь /и посѣче мѧ и принесе мѧ на слꙋжбѫ  цр͝кви. да ꙁовѫ правеⷣникӥ  на сп͝сенїе. и грѣхшнӥⷯ на покаанїе.     и слӥшѫи гласа моего  не ꙋдръжаите себе. нѫ приходите  къ цр͝кви  и свободѫ ꙋлꙋчите и ѡбрѣщете ѡ грѣхѣхь своиⷯ ⁆

.ѕ͝ӏ. ѡ жераүⷧ͡ прич‘та. жерал‘ бо ѥⷭ͡ велѣглⷭ͡ьнаа п‘тица. и сьбӥрают‘ се ка вѣⷱ͡рꙋ  егⷣа бꙋⷣѣть иⷨ врѣме спати. и поставеть страүⷤ͡ себѣ. да стрѣжеть иⷯ. и страж‘никь иⷯ егⷣа нач‘неть стрѣжати иⷯ. и вьꙁ‘меть  камень вь еиⷣнꙋ ногꙋ и вьꙁ‘дигь дрьжить его. а на дрꙋꙁеи/ стоить. егⷣа ꙁадрѣм‘леть испаⷣьнеть емꙋ камень  иꙁ‘ ногӥ его. ѡн‘ же вьꙁꙋпїеть глⷭ͡омь велїемь. и инӥ дрꙋꙁӥ его пробꙋдет‘ се.  и стрѣгꙋт‘ се. и пакӥ дрꙋгӥ поиⷣѣть и стрѣжеть иⷯ. тако и тӥ  ч͝лче слӥшїши глⷭ͡ь цр͝ков‘нїи  дрьꙁаи и трѣꙁ‘ви се ѿ дїавола и иди вь цр͝ьковь. понеⷤ͡ цр͝ьковь ѥⷭ͡ тѣⷠ͡ стража ѿ дїавола. аще ли ѡб‘лениши се и не вастанеши когⷣа слӥшиши клепало. то самое тѣⷠ͡ сꙋхое дрѣво сꙋпарь ! бꙋⷣѣть на сꙋⷣ б͝жїю. слӥши что дрѣво г͝леть. аꙁь бѣⷯ вь горѣ дрѣво     и лиⷭ͡тїемь вел‘мїи ꙋкрашен‘но и п‘тицам бѣⷯ седалище. и прїиде ч͝лкь и посечеⷨ͡  слꙋж‘бїи раⷣї  цр͝ков‘нїе да приꙁиваю грѣш‘никӥ вь цр͝ковь на покаянїе. а правеⷣьникӥ на спⷭ͡енїе. и приꙁиваⷯ. и сїи придоше. дрꙋꙁи же не вьсхотеше. нь слишите дрꙋꙁӥ и братїе   како наⷨ ѡдолеваеть единое дрѣво. и не ленитеⷭ͡ нь вь скорѣ притецете и дрьꙁаите прїитїи./ вь с͝тꙋю цр͝ковь   да примеⷨ прощенїе грѣхоⷨ нашиⷨ͡ ⁆

слово ꙁа жерава. жеравь есть мнѡго гласна вещь. и мнѡго съберꙋт сѧ къ вечерꙋ  и егда хощеть спати и спꙋщаеть единогѡ стража себе и стрегꙋт сѧ  и въꙁимаеть стражникь камень вь единѡи нѡѕѣ   а на единои стоить. и егда ꙁадремлеть испаднеть емꙋ камень  иꙁ ногꙋ ѡн‘ же въпїеть велегласнѡ а ѡнӥи дрꙋѕїи егѡ пробꙋдет сѧ и прогласеть дрꙋгь ꙁа дрꙋгѡгѡ. и ѡб‘стрегꙋт сѧ и пакӥ инь поиметь камень и стрежеть. такѡ и ти беꙁꙋмнӥи ч͝лче егда чюеши м͝лтвꙋ цр͝кѡвнꙋ и ꙁвѡнь гласника послꙋшаи и треꙁви се ѿ дїявѡла.  страхь бо тебѣ цр͝кѡвь ⁆                                         

Слово ѡ жеравле како сѧ блюдеⷮ. Жеравⷧ бѡ ес‘ть м‘ногоглⷭ͡ана п‘тица. сѡбирающим‘ ся к‘ вечерꙋ.  ег‘да бꙋдеть ӏмъ спати ӏ пꙋс‘тятъ с‘т‘ражꙋ себѣ да с‘т‘режетъ иⷯ.  ӏ в‘ꙁимаетъ  во едноͥ / ноꙁѣ камень ӏ вӥше держитъ его на единои ноꙁѣ с‘тоѧще. ӏ ег‘да ꙁадрем‘лет‘ ца ӏ ис‘падетъ камень  иꙁ ноги ӏ онъ воꙁѡпиетъ глⷭ͡мъ велиемъ. ӏ д‘рꙋꙁи его пробꙋдят‘ сѧ  ӏ ос‘терегꙋт‘ сѧ ӏ паки д‘рꙋгии  стрежеⷮ иⷯ. тако ӏ тӥ  ч͝лвче ег‘да ꙋс‘лӥшиши глⷭ͡а ц͝рквногѡ пѣниѧ дер‘ꙁаи и с‘треꙁи собѣ ѿ дьявола.  ц͝рквъ бо ес‘ть ст‘ража тебѣ.       аꙁ бо бѣⷯ дрѣво с кожꙋ повито ӏ всѣмъ отдеѧно! лист‘виемъ ӏ ꙋкрашено.  и прїиде ч͝лвкъ и прїнесе мѧ  на с‘лꙋжбꙋ  ц͝рквии да ꙁовꙋ грѣш‘никии  на покаяние. а праведники на спⷭ͡нїе.   да дрꙋꙁи и братиѧ слӥшав‘ше глⷭ͡а мои  не ꙋдерьжите собѣ  но дер‘ꙁаите ко с͝теͥ ц͝ркви. да ѿ / грѣⷯ с‘воиⷯ с‘вободꙋ обрящете ⁆

слоⷡ͡ ꙁа жерава. жеравь ѥⷭ͡ много глнⷭ͡а вѣщь. сьбирают се кь вечерѹ поставлають стражѹ себѣ. и стражниⷦ͡ вьꙁметь ками вь ногѹ  и двигнеть. и стоить на инои ноꙁѣ. да ѥгⷣа ꙁадрѣмлеть. и падеть ками иꙁ ноге. ѡнь вь[ꙁ]оветь. и тогⷣа поидеть инь и с[...]жеⷮ.     тако и ти беꙁѹмни ч͝л[..] сьбираи се сь дрꙋги своими [...] стражиѥ дрьжи ѿь диявола. [...] ѥгⷣа ѡдолеѥ ти срⷣце твоѥ. теци кь дꙋховномѹ ѡ͝цѹ. и постави стражїѥ ѡⷣиявола. да не ѡбрѣщеть тебѣ врагь беⷥ покаяния. и ѡ горе бѹдеть тебе члⷡ͡че ⁆

словѡ ꙁа жерава. жеравь ѥⷭ͡ многогласна птица. събираюⷮ͡ се кь вечерꙋ. и поставлаюⷮ͡ стражꙋ себѣ. стражникь въꙁмеⷮ͡ камикь вь ногꙋ свою и вьꙁⷣ͡вигнеть и стоить на единои ноꙁѣ. егⷣа ꙁадремлеть испаⷣнеть каменъ иꙁ ноꙁе его.      ѡⷩ͡ три прѣгради имаⷮь. и пꙋсти глⷭ͡а въ прьвꙋ преградꙋ. и не испꙋстиⷮ͡ глⷭ͡а дѡⷩ͡деже раꙁмотритъ и видиⷮъ да не ѹплашитъ стражие. тако и ти беꙁꙋмни чл͝вче събириⷶ се съ дрꙋгоⷨ своиⷨ добрѥм и се и стрежи се  ѿ диявола. да не егⷣа ѡдѣлееть тебѣ. срⷣце твое да течетъ кь дхⷩ͡овномꙋ ѡ͝цꙋ.    да не ѡбрѣшщетⷮеͣ врагь беꙁь покаянїа. ѡ горѣ тебѣ чловече ⁆

слоⷡ͡ ѡ жеравѣ. жеравь ѥⷭ͡ многогласна/ вещь сьбирают се кь вечерꙋ и поставляють стражꙋ себе стражникь вьꙁьмь камикь вь ногѹ  и двигнеть и стоить на єдинои ноꙁѣ. да єгⷣа ꙁадремлѥть испадеть ємꙋ камикь  и ѡнь вьꙁоветь. тогⷣа инь поидеть и стрѣжеть     тако и тӥ грѣшнїи ч͝лче сьбираи се сь дрꙋги своими добримь и стражиѥ дрьжи ѿ диявола.  єгⷣа ѡдолеѥт‘ ти срⷣце твоє теци кь д͝ховномꙋ ѡ͝цꙋ и постави си стражꙋ ѿ дїавола да не ѡбрѣщеть тебѣ врагь бес покаания и/ горе ти бѹдѣти ⁆

слово ꙁа жераⷡ͡ како ѥⷭ͡ житьⷦ͡ его. Жеравь ѥⷭ͡ моⷩ͡глнⷭ͡а вещь./ сьбираютеⷭ͡ кь веⷱ͡рѹ и поставляеⷮ͡ страже себѣ стражиⷩ͡кь вьꙁмеⷮ͡ ками вь ногѹ  и двигнеть ю. и стоить на единои ноꙁѣ да егⷣ͡а ꙁадрѣмлеть се испаднеⷮ͡ ками  ѡⷩ͡ь вьꙁоветь  и поидеть инь и стрѣжеть.     тако и тӥ беꙁѹмни чл͝вче сьбираи се сь дрѹⷢ͡ӥ своими добрими и стражїе дрьжи ѿ дїавоⷧ͡  егⷣ͡а ѿдолѣѥ ти и срⷣ͡це твое теци кь д͝ховномѹ ѿцѹ и постави стражи ѿ дїавола да не ѡбрѣщеть тебѣ враⷢ͡ бес покаанїе и ѡ горѣ теⷠ͡ чл͝вче ⁆